Lucas Cranach la Maljuna

Memportreto de Lucas Cranach kiam li estis 77jaraĝa (1550), en la Muzeo Uffizi, Florenco

Lucas Cranach la Maljuna (en germana, Lucas Cranach der Ältere) (Kronach, 1472 – Weimar, 16a de oktobro de 1553) estis artisto germana, pentristo kaj desegnisto de gravuraĵoj en ksilografio. La vera familinomo de tiu pentristo estis plej verŝajne Sünder (literume ankaŭ kiel Sunder, Sonder kaj Süündä). Li estis la patro de la pentristo Lucas Cranach la Juna (1515-1586).