Metastazo

El Vikipedio, la libera enciklopedio
Saltu al: navigado, serĉo
Kodo laŭ la Klasifiko Internacia de Malsanoj (versio 10)
C77 duaranga kaj ne specifigita maligna novkreskaĵo de la limfaj ganglioj
C78 duaranga maligna novkreskaĵo de la spira kaj intesta sistemoj
C79 duaranga maligna novkreskaĵo en alia loko de la homa korpo
v  d  r
Information icon.svg

Metastazo (greke μετάσταση, de μετα~, meta~ - "for" kaj στάση, stáse - "loko", do "for de la origina loko") estas hipoteze difinita duaranga kreskaĵo de maligna tumoro, do kancero aŭ de infekta fokuso, en alia loko de la homa korpo ol la origina kancera respektive infekta loko. La moderna onkologio, do la specialiĝinta fako de medicino pri kanceroj, baziĝas sur la teorio de kanceraj fokusoj kaj metastazoj.

La koncerna latina nomo estas filia (en Esperanto "la filino", latine plurale filiae) - do "filina tumoro".

metastazoj de pankreata kancero en la hepato

Metastazoj en strikta senco estas solidaj kreskaĵoj de tumoroj en histo distanca al la origina tumora loko. La termino tamen ankaŭ uzatas por la sepsa disvastiĝo de forte malsanigaj ĉeloj kancerigajinfektaj, ekzemple kiam endokardiito disvastiĝas al multaj organoj.