Mononoke Hime (filmo)
El Vikipedio
| "Princino Mononoke" | |
|---|---|
| Originala titolo | もののけ姫 Mononoke Hime |
| Produktadlando | Japanio |
| Originala lingvo | japana |
| Daŭro | 133 minutoj |
| Ĝenro | animeo |
| Reĝisoro(j) | MIYAZAKI Hayao |
| Produkto | Studio Ghibli |
Mononoke Hime (japane: もののけ姫 [mononoke-hime], "Princino Mononoke") estas japana animacia filmo de Studio Ghibli publikigita en 1997.
"Mononoke" ne estas nomo, la japana "mononoke" signifas fantomo/spirito/monstro.
La reĝisoro estis Miyazaki Hayao. La muzikon por tiu filmo komponis Hisaishi Jō.
Enhavo |
[redakti] Intrigo
La rakonto situas en fantazia mondo simila al Japanio antaŭ ĉirkaŭ 500 jaroj. La juna princo Aŝitaka de la tribo de la Emiŝi estas vundita kaj venenita dum li provas protekti kelkajn junulinojn kontraŭ monstra spirito el la arbaro. Pro tio li devas forlasi sian hejmlandon kaj li komencas serĉi rimedon kontraŭ sian malsanon. Baldaŭ li troviĝas meze de granda batalo inter la supernaturalaj spiritoj de la arbaro protektante la arbaron, kaj la homoj kiuj volas uzi la riĉaĵojn de la arbaro por konstrui civilizacion. La fortoj de la arbaro estas kondukataj per homa junulino, "princino Mononoke", kiu adoptiĝis per la lupa "diino Moro" kaj konsideras ŝin mem lupino.
[redakti] Ĉefaj personoj
- Aŝitaka ( アシタカ [aŝitaka])
- Juna princo de la popolo de la Emiŝi, la protagonisto de la filmo. Lia nomo laŭvorte signifas "ĉu (estos) morgaŭ?".
- San ( サン [san])
- Junulino vivanta kun la lupaj dioj en la arbaro
- Baronino Eboŝi ( エボシ御前 [eboŝi-omae])
- Fondintino kaj ĉefo de la metalurgia vilaĝo
- Diino Moro ( モロの神 [moro no kami])
- Lupa diino kaj adopta patrino de San
- Gonza ( ゴンザ [gonza])
- Sekvantulo de Baronino Eboŝi, li estras la gardistojn kaj la bovgvidantojn
- Kōroku ( 甲六 [kōroku])
- bovgvidanto vundita en la batalo kontraŭ la lupoj
- Toki ( トキ [toki])
- Kuraĝa virino en la metalurgia vilaĝo, edzino de Kōroku
- Monaĥo Ĝiko ( ジコ坊 [ĝiko-bō])
- Elsendita per la unio de la majstroj, li volas la kapon de Ŝiŝigami
- Ĉefo Okkoto ( 乙事主 [okkotonuŝi])
- Apra dio el Kjūŝūo, li postulas la militon kontraŭ la homaro
- Ŝiŝigami / Didarabotĉi ( シシ神 [ŝiŝigami] / ディダラボッチ [didarabotĉi])
- Granda dio de la bestoj de la arbaro (taga / nokta formo)
[redakti] Filmo
La filmo Mononoke Hime aperis en 1997 en Japanio en la kinoj kaj enportis 19,3 miliardojn jenojn (ĉirkaŭ 180 milionoj usonaj dolaroj). Kun 14,2 milionoj kinaj aspektantoj en Japanio tiu filmo iĝis nombro 1 de ĉiuj filmoj, superita 2001 nur de alia filmo de Miyazaki: La vojaĝo de Ĉihiro.
Mononoke Hime aperis en 1997 ankaŭ en LD (laserdisko), kaj en 1999 en kelkaj Usonaj kinoj, poste tiu filmo aperis en DVD sinkronigita en multaj lingvoj.
[redakti] Titolo en aliaj lingvoj
| lingvo | titolo | signifo | |
| angla | Princess Mononoke | princino Mononoke | |
| ĉeĥa | Princezna Mononoke | princino Mononoke | |
| finna | Prinsessa Mononoke | princino Mononoke | |
| franca | Princesse Mononoké | princino Mononoke | |
| germana | Prinzessin Mononoke | princino Mononoke | |
| greka | Πριγκίπισσα Μονονόκε | princino Mononoke | |
| hebrea | הנסיכה מונונוקי | la princino Mononoki [= Mononoke] | |
| hispana | La princesa Mononoke | la princino Mononoke | |
| itala | Principessa Mononoke | princino Mononoke | |
| japana | もののけ姫 | princino Mononoke [= princino de la fantomoj/spiritoj/monstroj] | |
| kroata | Princeza Mononoke | princino Mononoke | |
| mandarina | 魔法公主 | (la) magia princino | |
| norvega | Prinsesse Mononoke | princino Mononoke | |
| pola | Księżniczka Mononoke | princino Mononoke | |
| slovaka | Princezná Mononoke | princino Mononoke |
[redakti] Libroj
En 1997 en Japanio aperis ankaŭ la kolorplena kvar-voluma filmkomikso pri Mononoke Hime eldonita de Tokuma Shoten. Poste filmkomiksoj en diversaj lingvoj sekvis, per ekz. en Germanio 2000 en la Carlsen Verlag.
