Parko de la enamiĝintoj
| Parko de la enamiĝintoj | ||
|---|---|---|
 | ||
| parko [+] | ||
| Koordinatoj | 40° 11′ 29″ N, 44° 30′ 22″ O (mapo)40.1913888944.50611111Koordinatoj: 40° 11′ 29″ N, 44° 30′ 22″ O (mapo) | |
| Areo | 0,02 km² (1,6 ha) [+] | |
|
||
 |
||
| Parko de la enamiĝintoj | ||
 Vikimedia Komunejo: Lovers' Park [+] |
||
| En TTT: Oficiala retejo [+] | ||
Parko de la enamiĝintoj (armene: Սիրահարների Այգի (Siraharneri Ajgi) estas publika parko en Erevano, Armenio, situanta ĉe la Avenuo Bagramjan tuj apud la metrostacio Marŝalo Bagramjan. Ĝi okupas areon de 2,5 hektaroj en la centra distrikto de la urbo (Kentrono). La parko estis tute renovigita inter 2005 kaj 2008 kaj remalfermita en novembro 2008 per la klopodoj de bonfaranto Albert Boghosjan, estro de Boghossian Foundation.
Superrigardo[redakti | redakti fonton]
La parko devenas de la 18-a jarcento, konata kiel Parko Kozern nomita laŭ la distrikto Kozern, nordokcidenta antaŭurbo de malnova Erevano. Ĝi estis konata pro mezepoka tombejo kaj ties kapelo.
Post la dua mondmilito, la parko estis restrukturita en 1949 kaj renomita Parko Puŝkin per la decido de la Konsilio de Ministroj de la Armena Soveta Socialisma Respubliko, kadre de la festado de la 150-a datreveno de la naskiĝo de la fama rusa poeto Aleksandr Puŝkin. Poste en 1970, la parko estis nomita Barekamutjun (Amikeco) kiel omaĝo al la amikeco de ĉiuj membro-nacioj de Sovetunio. En 1995, post la sendependeco de Armenio, per la decido de la prezidanteco de la civilaj reprezentantoj de Erevana Urbestraro, la parko estis renomita Parko de la enamiĝintoj, surbaze de la fakto, ke la parko estis ŝatata loko por rendevuo por multaj paroj, dum la dua duono de la 20-a jarcento.
En 2005, per iniciato de bonfaranto Albert Boghosjan, la Boghossian Foundation supozis la renovigadon de la parko, ene de la kadroj de la projekto Ĝardenoj Boghossian. Post jaro da esplorado, franca projektista arkitekto Pierre Rambach prezentis la skizojn de la nova projekto en 2006 kaj ricevis la aprobon de la Erevana Urbestraro. Pierre Rambach plurfoje vizitis Armenion por esplori armenajn pejzaĝojn kaj trovi la plej bonajn solvojn por ebligi la kombinaĵon de rigoraj japanaj pejzaĝigaj principoj kun la spirito de Armenio[1].
Post tute renovigita procezo inter 2005 kaj 2008, la Parko de enamiĝintoj de Erevano estis malfermita en novembro 2008. La parko havas neniujn paŝojn por ebligi facilan aliron de rulseĝoj al ĉiuj partoj. Ĝi havas malgrandan kafejon kun multaj eksteraj sidlokoj.
La parko ankaŭ gastigas malgrandan amfiteatron kun kapablo de 215 sidlokoj kaj sceneja surfaco de 100 m², nomata laŭ Robert Boghosjan.
Galerio[redakti | redakti fonton]
Referencoj[redakti | redakti fonton]
- ↑ Parks in Yerevan. Arkivita el la originalo je 2013-05-21. Alirita 2020-10-18.