Rotacianta restoracio
Rotacianta restoracio (aŭ turniĝanta restoracio) estas restoracio, kutime en turo, kies manĝosalono estas larĝa cirkla platformo, kiu funkcias kiel granda disktelero. La rotacia frekvenco kutime estas 1 ĝis 3 turniĝoj hore. La gastoj do povas ĝui panoraman vidon sen forlasado de siaj sidlokoj. Tiaj restoracioj ofte situas en supraj etaĝoj de hoteloj, televidturoj, nubskrapuloj aŭ ĉe montopintoj.
La unua turniĝanta restoracio en modernaj tempoj estis projektita de la germana arkitektura firmao Will Schwarz por la supro de Florian-turo en Dortmund. Ĝi ekfunkciis la 1an de majo 1959. Unu jaron poste, en aprilo 1961, la Kairo-Turo kaj ĝia turniĝanta panorama restoracio, projektita de la egipta arkitekto Naoum Shebib estis inaŭguritaj.
- Kelkaj surmontaj rotaciantaj restoracioj
-
sur Hoher Kasten, CH -
sur Schilthorn, CH -
Space Needle, Seattle
