Rudolf Neumayer
| Rudolf Neumayer | |
|---|---|
| Persona informo | |
| Naskiĝo | 18-an de majo 1887 en Vieno |
| Morto | 25-an de aŭgusto 1977 (90-jaraĝa) en Vieno |
| Lingvoj | germana |
| Ŝtataneco | Aŭstrio |
| Okupo | |
| Okupo | juristo • politikisto |
Rudolf NEUMAYER (naskiĝinta la 18-an de majo 1887 en Vieno, mortinta la 25-an de aŭgusto 1977 samloke) estis aŭstra fakulo pri financoj kaj politikisto.
Estrinte ekde 1924 la sekcion pri financoj de la urbo Vieno, li fariĝis ministro pri financoj en 1936 en la registaroj de Schuschnigg kaj Seyß-Inquart. La jaron 1938 li estiĝis direktoro de la Viena urba asekura kompanio (Wiener Städtische Versicherung'), en 1943 li ekestris la ĉefsidejon de la impostaj konsilistoj kaj bilancrevizoroj (Wirtschaftstreuhänder). Post la Dua mondmilito li estis en 1946 kondamnita al dumviva malliberigo kiel membro de la nacisocialisma registaro: jam du jarojn poste oni donis al li la liberecon pro kaŭzoj prisanecaj[1].
Literaturo[redakti | redakti fonton]
- Ernst Bruckmüller (eld.): Personenlexikon Österreich, Verlagsgemeinschaft Österreich-Lexikon, Vieno 2001, ISBN 3-95004-387-X, p. 348.