Sardonikso

Sardonikso^[1] estas vario de kalcedono kun ruĝaj strioj, uzata kiel gemo.

Priskribo[redakti | redakti fonton]

La mineralo kalcedono havas plurajn nomojn, depende de la koloro kaj formo. Onikso estas ĝenerala nomo de kalcedono kun strioj; karneolo estas la nomo de ruĝa kalcedono. Sardonikso estas ruĝa onikso, t.e. kalcedono kun ruĝaj strioj.

Mencio en la Biblio[redakti | redakti fonton]

La Apokalipso de Johano de la Nova Testamento asertas, ke la muro de la Nova Jerusalemo estos ornamita per 12 gemoj:

„ La fundamentoj de la muro de la urbo estis ornamitaj per altvaloraj ŝtonoj ĉiuspecaj. La unua fundamento estis jaspiso; la dua, safiro; la tria, kalcedonio; la kvara, smeraldo; la kvina, sardonikso; la sesa, sardio; la sepa, krizolito; la oka, berilo; la naŭa, topazo; la deka, krizopraso; la dek-unua, jacinto; la dek-dua, ametisto. ”

— Londona Biblio, Apokalipso 21:19–20

La kvina gemo estas antikve-greke σᾰρδόνῠξ, sardónuks, kognate tradukita kiel “sardonikso”.