Spironolaktono
Spironolaktono estas medikamento ĉefe uzata por kuraci edemon pro kora malsufiĉo, cirozo, aŭ rena malsano.[1] Ĝi ankaŭ estas uzata por kuraci altan sangopremon, hipokaliemion ne pliboniĝintan pro suplementado, trofruan puberecon, aknon kaj troan haran kreskon en virinoj.[1][2] Ĝi ankaŭ estas uzata kiel kontraŭandrogenaĵo por hormona anstataŭiga terapio en transseksaj virinoj.[3] Oni prenas spironolaktonon buŝe.[1]
Oftaj kromefikoj inkludas neekvilibriĝon de elektrolitoj, precipe tro altan sangokalion, naŭzon, vomemon, kapdoloron, ekzantemon, kaj malpliiĝon de seksuma deziro.[1] De pacientoj kun hepataj aŭ renaj problemoj ĝi estu prenata kun speciala zorgo.[1] La efikoj al gravedeco ne estas bone studitaj kaj ĝi ne estu uzata por kuraci altan sangopremon dum gravedeco.[4] Spironolaktono estas steroido, kiu blokas la efikojn de la hormonoj aldosterono kaj testosterono, kaj havas iujn efikojn similajn al oestrogeno kaj progesterono.[5][1] Ĝi apartenas al klaso de medikamentoj nome kalioŝparantaj diurezigiloj.[1]
Spironolaktono enkondukiĝis en 1959.[6][7] Ĝi estas listata de la Monda Organizaĵo pri Sano kiel esenca medikamento.[8]
Referencoj[redakti | redakti fonton]
- ↑ 1,0 1,1 1,2 1,3 1,4 1,5 1,6 Spironolactone. The American Society of Health-System Pharmacists. Alirita Oct 24, 2015.
- ↑ (1 October 2015) “Spironolactone for Adult Female Acne”, Cutis 96 (4), p. 216–217.
- ↑ Maizes, Victoria. (2015) Integrative Women's Health, 2‑a eldono. ISBN 9780190214807.
- ↑ Spironolactone Pregnancy and Breastfeeding Warnings. Alirita 29 November 2015.
- ↑ Prakash C Deedwania. (30 January 2014) Drug & Device Selection in Heart Failure. JP Medical Ltd, p. 47–. ISBN 978-93-5090-723-8.
- ↑ Camille Georges Wermuth. (24 July 2008) The Practice of Medicinal Chemistry. Academic Press. ISBN 978-0-12-374194-3.
- ↑ Marshall Sittig. (1988) Pharmaceutical Manufacturing Encyclopedia. William Andrew. ISBN 978-0-8155-1144-1.
- ↑ WHO Model List of Essential Medicines (19th List). World Health Organization (April 2015). Alirita 8 December 2016.
