Trabo

Arkitekturo > Betono > Verga elemento

Ligno - ŝtalo - armita betono

Trabo - balka verga elemento, kiu havas plenprofilan sekcon (ĉe betono kaj ligno) aŭ ekz. I-forman (ĉe ŝtalo), kaj estas streĉata precipe per flekso, tondo, ev. ankaŭ tordo; en konstrufako ĝi distingiĝas kiel plafontrabo (solivo), ĉeftrabo, framtrabo; la ĉefaj materialoj: ligno, armita betono, ŝtalo.

Alilingvaj ekvivalentoj

en beam, girder

de Balken m

cs trám m

Heraldiko

Trabo estas unuaranga peco, larĝa horizontala strio meze de la ŝildo. Povas ĉeesti samtempe pluraj traboj sur unu nura ŝildo. Ĉikaze, ili estas malplilarĝigitaj.

Proverbo

Ekzistas proverboj pri trabo en la Proverbaro Esperanta de L. L. Zamenhof:

• 	« En fremda okulo ni vidas ligneron, en nia ni trabon ne vidas. »

• 	« Meti trabojn sur la vojon. »