Beluĥo

Ne konfuzu ĉi tiun artikolon kun belugo (huso huso), kiu estas specio de fiŝo: vidu huzo

Kiel legi la taksonomion

Beluĥo

Grandeco kompare kun tiu de meza homo

Biologia klasado

Regno:	Animaloj Animalia
Filumo:	Ĥorduloj Chordata
Klaso:	Mamuloj Mammalia
Ordo:	Cetacoj Cetaceae
Familio:	Monodontidae
Genro:	Delphinapterus
Specio:	D. leucas

Dunomo

Delphinapterus leucas
(Pallas, 1776)

Konserva statuso

Konserva statuso: Vundebla

Vivregiono de Beluĥo

Aliaj Vikimediaj projektoj

Sistematiko en Vikispecioj

Komunejo pri Beluĥo

v • d • r

Beluĥo (formo pli proksima al la origina rusa etimo) aŭ (pro la formo enirinta en iujn lingvojn pro misliterumo, kiun kaŭzis prononca proksimeco inter la rusaj vortoj белуга [beluga], belugo, specio de huzo, kaj белуха [beluĥa], beluĥo) belugo (Delphinapterus leucas) estas cetaco, kiu loĝas en la Arkto. Ĝi estas nomata ankaŭ Mara kanario aŭ Blanka baleno. Plenkreskaj beluĥoj estas facile identigeblaj disde ceteraj balenoj per la blanka koloro de la korpoj, kio klarigas la originan nomon (en slavaj lingvoj la radiko "бел-" [bel] signifas blanka).

Priskribo de la korpo[redakti | redakti fonton]

Beluĥido estas 1,5 metrojn longa kaj 80 kilogramojn peza. Ĝia haŭto estas mallume bruna kun roza nuanco. Juna beluĥo havas pli palan haŭton. La longeco de plenkreska beluĥo estas inter 3 kaj 5 metroj, kaj ĝia pezo inter 400 kaj 1.600 kilogramoj. La haŭto de plenkreskulo estas blanka aŭ blanka kun flava nuanco. Beluĥoj havas 16-22 dentojn.

Beluĥoj ne havas dorsan naĝilon aŭ dorsan kreston. Multaj beluĥoj havas longajn cikatrojn sur sia haŭto pro atakoj de polusaj ursoj.

Konduto[redakti | redakti fonton]

Beluĥoj estas tre sociemaj, vivas en grupoj de 5-20 membroj. Ili ellasas multajn aŭdeblajn bruojn en la formo de knaroj, klaketoj kaj ploregoj. Beluĥoj ankaŭ partoprenas en gardista saltado.