Hott 93
| Hott 93 | |
|---|---|
 | |
| Urbo | Portospeno |
| Lando | Trinidado kaj Tobago |
| Formato | ĉefe dissendo de popmuziko, rokmuziko, ritmenbluso |
| Frekvencoj | 3.5 MHz |
| Tempo de elsendo | daŭre |
| Zono de elsendo | Trinidado kaj Tobago, Barbado, Grenado |
| Lanĉita | 1997 (en Barbado) [1] |
| Posedanto | firmao One Caribbean Media |
| Retejo | http://www.hott93.com |
| Reta elsendo | https://trinidadradiostations.net/hott/ |
Hott 93 (93.5 FM) estas radiostacio dissendanta de Portospeno, Trinidado kaj Tobago. Ĝi ĉefe dissendas nuntempan muzikon, precipe popmuzikon, rokmuzikon kaj ritmenbluson. Krome mallongaj notoj kaj novaĵoj en la angla lingvo interrompas la muzikadon. Origine la stacio baziĝis en Bridgetown, Barbado kaj lanĉiĝis en 1997, kiel filio de la stacio Voice of Barbados.[1] Posedanto ekde la jaro 2006 estas la firmao One Caribbean Media, kiu ekestis komence de tiu jaro per fuzio de la antaŭaj amaskomunikilaj firmaoj Caribbean Communications Network (CCN) Group (Trinidado kaj Tobago) kaj Nation Corporation Group (Barbado).[1]
Nun la stacio elsendas al Trinidado kaj Tobago, Barbado kaj Grenado. En Trinidado kaj Tobago, la radiostacio estas unu el pluraj privataj kaj komercaj stacioj, kiuj ampleksigas la gamon de la tri ŝtataj radiostacioj nomataj Sweet 100.1, Next 99.1 kaj Talk City 91.1, kiuj de 1969 ĝis 2005 funkciis sub tegmento de la ŝtata kompanio Trinidad and Tobago Television (TTT), de 2005 ĝis 2017 de sekva ŝtata kompanio Caribbean New Media Group kaj ekde aŭgusto 2017 de ankoraŭ sekva ŝtata kompanio TTT Limited.[2] Entute, en la kariba lando Trinidado kaj Tobago privataj kaj komercaj radiostacioj pli multas kaj pli signifas ol la tri ŝtataj radiostacioj, kaj en Barbado kaj Grenado la situacio estas simila.
