Ĉiuj Sanktuloj
Ĉiuj Sanktuloj (latine: Omnium Sanctorum) estas katolika festo kiu okazas ĉiun 1-an de novembro. Oni honoras en tiu tago ĉiuj sanktuloj agnoskitaj de la romkatolika eklezio.
Ĉiuj Sanktuloj antaŭas la tagon de la mortintoj, kiun oni festas la 2-an de novembro kaj pro tio multfoje oni rilatas ambaŭajn senrilatajn festojn; tre ofte homoj popole uzas la nomon de Ĉiuj Sanktuloj por aludi al ambaŭaj aŭ nur plej ofte al la mortintoj, kio pro tabuaj kialoj ne estas tiom facile aŭ agrable direbla.
Historio
Ĉiuj Sanktuloj, kiel la plej multaj grandaj liturgiaj festoj, ne devenas de la Biblio. Dum la 5-a jarcento monaĥoj, kiuj kristanigis Irlandon, Brition kaj Gaŭlion, spertis la tradician feston Samhajno komence de novembro, kiu anoncis la malhelan duonon de la jaro. Dum la samhajnaj tagoj la mondo de la vivantoj komunikis kun tiu de la dioj je simbola nivelo. Dum tiu festo okazis multaj druidaj ritoj, bankedoj kaj drinkegado. Tiuj ritoj, firme ankritaj en la kampara kulturo daŭris longe post kristanigo de la popoloj.