Český Krumlov (kastelo)

	Český Krumlov
	ĉeĥe: Český Krumlov
	burgo kaj kastelo
	Vido al Supra burgo
	Oficiala nomo: Český Krumlov
Lando	Ĉeĥio
Regiono	Sudbohemia regiono
Distrikto	Distrikto Český Krumlov
Municipo	Český Krumlov
Historia regiono	Bohemio
Parto de	Latrán
Montaro	Šumava cismontaro
Situo	Český Krumlov
- alteco	497 m s. m.
- koordinatoj	48° 48′ 45″ N 14° 18′ 55″ O / 48.81250 °N, 14.31528 °O (mapo)
Konstruinto	Vítek la 2-a
Stiloj	Gotika, renesanca, baroka
Konstruado	13-a jarcento
- alikonstruado	19-a jarcento
Posedanto	Ĉeĥa respubliko
Por publiko	alirebla
	Situo enkadre de Ĉeĥio Situo enkadre de Ĉeĥio
	Vikimedia Komunejo: Český Krumlov Castle
	Retpaĝo: www.zamek-ceskykrumlov.cz
	Portalo pri Ĉeĥio

Koordinatoj: 48° 48′ 45″ N 14° 18′ 55″ O / 48.81250 °N, 14.31528 °O (mapo)

Ŝtata burgo kaj kastelo Český Krumlov troviĝas en Ĉeĥio, en samnoma urbo Český Krumlov, en la plej suda parto de Sudbohemia regiono, ĉelime kun Aŭstrio.

Origine gotika burgo, pliampleksigita en la 14-a jarcento kaj renesance rekonstruita en la 16-a jarcento. Adaptoj en stiloj de baroko kaj rokoko okazis en las 17-a kaj 18-a jarcentoj. Ampleksa komplekso de konstruaĵoj, post Kastelo de Prago la plej granda en tuta Ĉeĥio kaj unu el plej grandaj en tuta Mezeŭropo.

Pro sia unika valoro ĝis estis proklamita kiel Nacia kultura memorindaĵo de Ĉeĥio kaj kune kun la tuta historia urbocentro kiel parto de monda kulturheredaĵo de UNESKO.

Vidindaĵoj

La kastelo estas publike alirebla ekde aprilo ĝis oktobro en pluraj ĉiĉeronataj linioj:

Historiaj reprezentaj salonoj kun valora meblaro kaj kolektoj (i.a. Maskobala salonego kaj salono de Eeggenberk kun ora kaleŝo)
Loĝĉambroj de la nobela familio Schwarzenberg el la 19-a jarcento kaj renesancaj ĉambroj
Kastela baroka teatro kun origina ekipo kaj sceneja tekniko

Krome viziteblas: lapidario, kastela turo, galerioj en buterfarejo kaj monfarejo, ceremikekspozicio en vinkelaro kaj galerio en kastela ĉevalejo.

La kastelo estas ĉirkaŭita de ampleksa parko kun unika natura teatro kun tutmonde unika turniĝanta spektejo.

Literaturo

1) esperantlingva

Papírníková, Irena - Kozel, Bohumil: Albumo de sudbohemiaj memorindaĵoj. Burgoj kaj kasteloj. České Budějovice: Esperanto-klubo "La Progreso", 1980. 40 p.

2) ĉeĥlingva

Kuklík, Karel: Český Krumlov. Praha : Pressfoto, 1992. nepaĝ. ISBN 80-7046-003-2

3) alilingva

Cháteaux et palais de Bohéme du Sud. České Budějovice : Atika, 1997. france
Flašková, Zdena - Sváček, Libor: Český Krumlov : historischer Teil der Stadt, Burg und Schloss. České Budějovice : Unios, 2002. 64 p. ISBN 80-86141-37-3 germane
Hans, Ingo (red.): Die Stadt Krummau an der Moldau im Böhmerwald. Waldkirchen : Verl. "Hoam", 1992. 590 p. germane

Vidu ankaŭ

Keloj en kastelo en Český Krumlov

Eksteraj ligiloj

Kategorio Český Krumlov (kastelo) en la Vikimedia Komunejo (Multrimedaj datumoj)