Ŝipliftoj de la centra kanalo

El Vikipedio, la libera enciklopedio
Salti al navigilo Salti al serĉilo

La ŝipliftoj sur la centra kanalo estas kvar hidraŭlikaj boato-liftoj sur la historia centra kanalo, proksime de la belga urbo de La Louvière [la luvjèr]. Ili estis dizajnitaj fare de Edwin Clark, konstruitaj inter 1888 kaj 1917. Kune ili transpontas niveldiferencon de 68 metroj. Unu lifto transpontas 15.4 metrojn kaj la aliaj tri unuope 16,93 metrojn. La konstruado de la kanalo kaj la ŝipliftoj daŭris 32 jarojn (de 1885 al 1917). La ŝiplifto konsistos el du trogoj, longaj je 112 m kaj larĝaj je 12 m. Ili pezas po 8000 tunojn. La tegmento de ĉiu el ili estas tiel granda kiel futbalejo. La informejo posedas aŭdvidajn aparatojn, planojn, skizon kaj fosiliojn.

Belvidejo kun stirata tablo proponas vidaĵon de la konstruita ŝiplifto kaj de la ĉirkaŭa regiono. Kelkajn kilometrojn for estas la loko Ronquières [ronkjér] kun surfaco de 1432 m2 kie funkcias du ŝiplifoj kiuj povis akcepti ŝipojn pezajn 1370 tunojn, sed nun ili nur funkcias por turisma boatado. La niveldiferenco estas 68 metroj kaj estas superata en 40 minutoj. De la apuda turo samloke oni povas vidi la atomiumon en Bruselo, la monumentan leonon en Waterloo [ŭáterlo] kaj la ŝiplifton de Strèpy-Thieu [strepi tje].[1]

Por la komerca navigado oni konstruis novan, pli modernan lifton en Strèpy-Thieu [strepi tje].

La plej granda ŝiplifto en la mondo[redakti | redakti fonton]

En Strèpy-Thieu [strepi tje] funkcias „Rivera sistemo el navigeblaj vojoj”, kiu por akcepti 1350-tunajn ŝipojn, neprigis la konstruadon de kabla ŝiplifto, la plej granda en la mondo, venkanta akvonivelan diferencon de 74 m[1].

La kvar liftoj[redakti | redakti fonton]

Ekde 1998 la 4 liftoj estas en la listo de tutmondaj heredaĵoj de Unesko[2]. La ŝipliftoj reprezentas rimarkeble bone konservitan kaj kompletan ekzemplon de industria pejzaĝo je la fino de la 19a jarcento[3].

Lifto Situo Alteco Foto
No. 1 Houdeng-Goegnies 15,40 m Houdeng-Goegnies JPG02.jpg
No. 2 Houdeng-Aimeries 16,93 m Houdeng-Aimeries - Ascenseur no 2 - 1.jpg
No. 3 Besonrieux-La-Louvière, 16,93 m Houding1.jpg
No. 4 Thieu 16,93 m Houding9.jpg

Eksteraj ligiloj[redakti | redakti fonton]

(franca) http://voiesdeau.hainaut.be/

Vidu ankaŭ[redakti | redakti fonton]

Alia vidindaĵo en la regiono :  Nia Sinjorino kun la Rozo (Lessines)

Notoj kaj referencoj[redakti | redakti fonton]

Tiu ĉi artikolo estas parte bazita sur la sama artikolo en la nederlanda versio de vikipedio je la 27-a decembro 2017 kaj artikolo en Monato (2003).

  1. 1,0 1,1 Maxime Lechien, La parko de kanaloj en La Louvière, Monato, februaro 2003, alirita la 27-an decembro 2017.
  2. Les quatre ascenseurs du canal du Centre et leur site, La Louvière et Le Roeulx (Hainaut), [arkivo], sur www.unesco.org, 2-a decembro 1998
  3. (franca) Le Canal du Centre historique, alirita la 27-an decembro 2017.