Adonaj

El Vikipedio, la libera enciklopedio
Salti al navigilo Salti al serĉilo

Adonaj’, hebree אֲדֹנָי, signifas «la Sinjoro», kaj estas unu el la plej disvastigitaj inter la Nomoj de Dio en la Biblio. Laŭ dikredantaj judoj estas la maniero per kiu oni legu la biblian tetragramon aŭ JHVH, alimaniere, pro tabuo, ne prononcebla.

Fakte la eŭfemismo Adonaj’ post logntempa uzado nun akiris similan sanktecon, kaj oni sentis bezono anstataŭgi ĝin per aslia eŭfemismo; do judismanoj uzas sinonime la vorton HaŜem (השם = «La-Nomo» = יהוה).

Kiam la masoretoj de la 8-a jarcento de nia erao ekuzis vokalajn dakritilojn ĉe la pure konsonanta skeleto per kiu la semidaj kulturoj skribis siajn lingvojn, tiam tetragramo JHVH ricevis la vokalojn de la vorto Adonaj’.

Oni kalkulis kiomfoje aperas la tetragramo JHVH en Tanaĥo kaj trovis ke ĝi enskribiĝas 439 (kun kelke da erara marĝeno pro tekstoj necertaj). Iuj bibliaj tradukoj emas savi la malmulton de la supozitaj sonoj aŭ signifoj de la tetragramo enkondukante «Javeo»n aŭ «Jehovo»n aŭ similaĵojn. La Atestantoj de Jehovo substituis per Jehovo ne nur la tetragramon sed ankaŭ ĉiujn aliajn nomojn de Dio: kaj tial ili povas diri ke la persona nomo de Dio (Javeo aŭ Jehovo) aperas en la Biblio milojn da fojoj.

La tradukintoj sefardaj de la Biblio de Ferrara tiom zorgis eviti la prononcon de io de la Dia Nomo, ke anstataŭ Adonaj’, skribis simplan «A» punktitan.

La responda greka termino estas Κύριος (Kýrios), kiu anstataŭas la tetragraman Adonajon 439 fojojn en la tradukoj al la antikva greka: ekzemple en Septuaginto kiu entenas nur la Malnovan Testamenton. Κύριος estas ankaŭ la nomo per kiu estas indikata kaj preĝata Jesuo Kristo, al kiu do oni atribuis la saman titolon atribuitan al Dio en la Malnova testamento.

Simila vorto troviĝas en la antikva greka, uzita por kvalifiki la dion Tamuzon: «Adonis (mallongigita Adoni) = Mia Sinjoro» el la fenica lingvo.

Ekde la helenisma epoko tiu dia nomo aperas en la libroj de Kabalo kaj sur amuletoj. Niatempe la vorto Adonaj’ estas uzata kiel rekonsigno en framasonaj ritoj.

Vidu ankaŭ[redakti | redakti fonton]