Belga Amikaro de Fervojistoj Esperantistaj

El Vikipedio, la libera enciklopedio
(Alidirektita el BAFE)
Salti al navigilo Salti al serĉilo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

Belga Amikaro de Fervojistoj Esperantistoj (BAFE) estas la belga sekcio de la Internacia Fervojista Esperanto-Federacio (IFEF). Ĝi fondiĝis en 2019 kaj estas la posteulo de la Belga Esperanto Fervojista Asocio (BEFA). En la printempo de 2020 BAFE estis akceptita de IFEF kiel la landa asocio de Belgio.

Historio[redakti | redakti fonton]

Malgraŭ la malfondiĝo en 2018 de la Belga Esperantista Fervojista Asocio, multaj membroj de tiu asocio deziras daŭre esti membroj de IFEF. Starigita en 1909, IFEF estas asocio de esperantistoj celanta kunigi, pere de la Lingvo Internacia, diversfakajn profesiulojn de ĉiuj branĉoj de fervojo kaj transportado, sed ankaŭ la amikojn de fervojo en la tuta mondo. Dum la IFEF-kongreso en Malago en 2019 kunsidis la belgaj ĉeestantoj kaj la estraro de IFEF: interkonsente estis decidite fondi novan asocion BAFE (Belga Amikaro de Fervojistoj Esperantistoj). La avantaĝo de tiu paŝo estas ke Belgio povas denove plene agadi en la faka organizo IFEF. Membroj de BAFE ricevas la 6 numerojn de la revuo Internacia Fervojisto (IF) kaj rabaton dum IFEF-kongresoj.[1]

Aktivuloj en Belgio[redakti | redakti fonton]

Ĉefaj IFEF-aktivuloj en Belgio en 2022 estas:

Agado[redakti | redakti fonton]

Aktivuloj de BAFE planas en 2023 Fervojistan Kongreson en Antverpeno, kunlabore kun IFEF kaj Flandra Esperanto-Ligo.

Referencoj[redakti | redakti fonton]

  1. Novaĵo en la IFEF-retejo: Belga Amikaro de Fervojistoj Esperantistoj, alirita la 14-an de januaro 2022 esperante