Berlina Komentita Bibliografio de Vortaroj kaj Terminaroj en Esperanto 1887-2014

El Vikipedio, la libera enciklopedio
Salti al navigilo Salti al serĉilo

Berlina Komentita Bibliografio de Vortaroj kaj Terminaroj en Esperanto 1887-2014 (BKB) estas bibliografio de ĉiuj gravaj vortaroj kaj terminaroj, kiuj uzas Esperanton kiel fonto- aŭ cellingvon kaj kiuj aperis de la komenco en 1887 (Unua Libro) ĝis fine de 2014. BKB estas verkita de Bernhard Pabst. La unua eldono aperis en aprilo 2015 en formo de libere elŝutebla pdf (2 Mb, 304 p. en formata A4).

Karakterizaĵoj[redakti | redakti fonton]

Krom per la bazaj bibliografiaj indikoj, BKB klarigas multajn verkojn per specimenoj, notas recenzojn kaj indikas referencojn al plia legado pri esperantaj vortaristoj. Aparta fokuso estas sur la multaj disaj vortaroj, verkitaj en diversaj elektronikaj formoj dum la lastaj ĉirkaŭ dek kvin jaroj de post 2000. BKB celas esperantologojn, bibliotekojn, kolektantojn, sed aparte leksikografojn kaj terminologojn, serĉantajn fidindan respondon al la demando „kio jam ekzistas?“, krome instruistojn kaj lernantojn kun ĝenerala intereso pri la vortara aspekto de la esperanta kulturo.

Specimena enskribo[redakti | redakti fonton]

O’Connor, J[ohn] C[harles] (1853-1928) [ W ]; Hayes. C[harles] F[rederic] (1857-1942) [ W ]. English-Esperanto Dictionary. London: “Review of Reviews” Office, [1903]. xv, 200 p. — pr. W. & J. Mackay & Co. Ltd, Chatham. 16 x 10 cm. BIL 1906; ĉ. 14.000 kapvortoj.
[2a] eld. 1905.
[3a] eld. London: Review of Reviews Office 1906, xv, [1], 200 p. — 16 x 10 cm.
Gutenberg ebook #16967 de la eld. 1906 de 2005-10-30. — Formatoj: html, epub, kindle, txt (utf 8). Spec.:
Pa, patreto, paĉjo.
Pace, paŝi.
Pace (step), paŝo.
Pacific, pacema.
Pacifically, pace, paceme.
Pacification, pacigo.
Pacify, trankviligi, pacigi.
Pachydermatous, dikhaŭta.
Pack, paki. Pack up, enpaki.
[4a] eld. London: Review of Reviews Office 1907. — e-libro ĉe Internet Archive AWI-6089 en formatoj: html, pdf, epub, kindle, daisy, txt, DjVu.
[5a] eld. London: Review of Reviews Office 1908, XV, 200 p. — IEMW.
[6a] eld. 1911. e-libro (Kindle ĉe Amazon). s.l.: KEAZ s.j. — Nur literoj A-P, resto mankas (?!). Jaro de la origina eld. ne ind.
Angla → Esperanto

Eksteraj ligiloj[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.