Beuel

El Vikipedio, la libera enciklopedio
Salti al navigilo Salti al serĉilo
DEU Beuel COA.svg Beuel
urbodistrikto de Bonno
DEU Bonn COA.svg
situo de la urbodistrikto (ruĝe) ene de Bonno

Beuel estas unu el kvar urbodistriktoj de la universitata urbo Bonno en la federacia lando Nordrejn-Vestfalio de Germanio. La urbodistrikto kovras areon de 33,2 kvadrataj kilometroj kaj fine de la jaro 2012 havis 66 874 loĝantojn - tio rezultigas loĝdenson de 1 996 loĝantoj po km². Ĝi kovras ĉiujn urbajn kvartalojn oriente de la rivero Rejno, kaj estas ligata al la okcidentaj urbopartoj per tri aŭtovojaj pontoj kaj pluraj pramŝipaj linioj. Oriente la teritorio limas je la mezalta montaro Siebengebirge. Ĝis aligo al la urbo Bonn la 1-an de aŭgusto 1969 la urbo Bonn estis sendependa komunumo kun urbaj rajtoj.

La plej suda kvartalo de la urbodistrikto, borde de la rivero Rejno, nomiĝas Oberkassel. Tie en la 1980-aj kaj 1990-aj jaroj situis "Esperanto-domo" de pluraj studentoj en Cäcilienstraße, kiun prikantis la muzikgrupo Amplifiki, kaj kiu dum jaroj estis la gastigejo de Pasporta Servo de plej granda kapacito - ofte tie samtempe tranoktis plurdeko da esperantlingvaj vojaĝantoj.