Cigánski diabli
Cigánski diabli, ankaŭ konata eksterlande kiel Gypsy Devils (Ciganaj diabloj) estas slovaka orkestro kiu estis fondita en 2007 . La ciganaj diabloj estas ĉefe reprezentantoj de la mondmuzika ĝenro.
En ilia agado, klasika muziko estas riĉigita per elementoj kiel ekzemple cigana muziko, popolmuziko, ĵazo, flamenko kaj multaj aliaj. Ili uzas siajn proprajn virtuozajn aranĝojn kaj elementojn. La uzado de diversaj stiloj alportis al ili sukceson sur koncertaj scenejoj en 35 landoj de la mondo, sur kvin kontinentoj.
Ili reprezentis Slovakion ĉe la Vintra Olimpiko 2010 kaj la Somera Olimpiko 2012. Ili koncertis ĉe plej diversaj muzikfestivaloj: BadKissinger Sommer, Beethovenfest Bonn, David Oistrach-festivalo Pärnu, Liszt-festivalo Raiding, Euroclassic Pirmasens, World Arts-festivalo Jeju, "Pražské jaro" (Praga Printempo), Sziget-festivalo Budapeŝto, Mondial des cultures Drummondville, Khamoro Praha kaj Festival de Martigues. La grupo kunlaboris kun multaj simfoniorkestroj, direktistoj, kantistoj kaj instrumentistoj el la tuta mondo. Gipsy Kings, Paul Gulda & Vienna String Quartet, Chamber Philharmonic Bremen, Moravia Philharmonic Olomouc, Philharmonic B. Martin Zlín kaj Symfonický orchester Slovenského rozhlasu Bratislava estas nur kelkaj el ili.
Projektoj
[redakti | redakti fonton]- Carmen a'la Gypsy Devils, muzik-danca projekto, muzika aranĝo de la artdirektoro de la orkestro, Ernest Šarközi[1].
- Gypsy-Baroque, netradicia prezento de kunmetaĵoj de la baroko ĝis la nuntempo kun Barocco Semper Giovane
- Gypsy Devils & 100-membra Hungara Gypsy Orchestra BUDAPEST, ligo kun mondfama muzika orkestro
- Gypsy Devils & Katka Knechtová, koncertturneo Gypsy Devils & Katka Knechtová[2], kombinaĵo de popmuziko, popola, mondmuzika,..
- Ciganaj diabloj kaj rok-muziko, fuzio de etno kaj rok-muziko kun la rokmuzika grupo Desmod
- Gypsy Devils kaj Simfonia Orkestro : Ĉambra Filharmonio de Bremen, Atena Simfonia Orkestro, Nikozia Simfonia Orkestro...
- Gypsy devils kaj Paul Gulda, "Liszt-Roma Rhapsodie" kaj "Haydn a´la Zingarese" koncertoj lige kun la mondfama aŭstria pianvirtuozo Paul Gulda
- Ciganaj diabloj kaj Jaroslav Svěcený, ligo kun la ĉeĥa violonvirtuozo
- Cigánski diabli & Lucie Bílá, netradicia ligo kun ĉeĥa multĝenra kantisto
- Gypsy devils & Totti Ovidiu, muzika kaj danca spektaklo: Ciganaj diabloj kaj dancistoj de "Cirque du Soleil"
Premioj
[redakti | redakti fonton]- La plej bona cigana orkestro en la mondo (internacia festivalo en Ciechocinek – Pollando)
- 3 premioj Grammy de la Slovaka Akademio de Muziko
- 2007 - Ora kaj platena disko por la albumo Cigánski diabli
- 2007 - Ora kaj platena disko por la albumo Devil's Christmas
- 2008 - ora disko por la albumo Dobré časy
- 2008 - Premio Virino de la Jaro en la kampo de kulturo por Silvia Šarköziová
- 2014 - Premio World Master - Suda Koreio
Diskografio
[redakti | redakti fonton]La Gypsy Devils publikigis ĝis 2024 ne malpli ol 5 albumojn dum sia kariero[3]:
- Gypsy Devils (2007, HeME-produktado)
- La Kristnasko de Diablo (2007, HeME-produktado)
- Bonaj tempoj (2008, HeME-produktado)
- Adagio & Furioso (2010, Supraphon Records)
- Carmen (2013, Pavlik Records)
Referencoj
[redakti | redakti fonton]- ↑ . Tanec diablov. monitoringdivadiel.sk (2015-10-21). Alirita 2016-07-13.
- ↑ tlacovespravy.sk. Alirita 2016-7-13.
- ↑ Diskografia. ciganskidiabli.sk. Alirita 2016-07-13. Arkivigite je 2016-06-30 per la retarkivo Wayback Machine