La asocio Club Atlético Lanús estas futbalklubo en Lanús, urbego en la provinco Bonaero kaj industria antaŭurbo de la argentina ĉefurbo Bonaero. Ĝia unua vira teamo konkuras en la plej alta argentina divizio de futbalo (Primera División). Kluba koloro estas nuanco de malhelruĝo, kiu hispane nomatas amaranto, ĉar ĝi similas al la koloro de la floroj de la samnoma planto.
