Cogito ergo sum

El Vikipedio, la libera enciklopedio
Saltu al: navigado, serĉo

Cogito ergo sum estas filozofia propozicio latina de Kartezio (René Descartes) tradukita en Esperanton kiel "Mi pensas, tial mi ekzistas." La frazo originale aperis en la franca kiel "Je pense, donc je suis" en lia Discours de la méthode (Diskurso pri la metodo), por ke ĝi atingu pli larĝan legantaron. Ĝi aperis en la latina en liaj postaj Principia philosophiæ (Principoj de Filozofio). Kiel Descartes klarigis, "Ni ne povas dubi nian ekziston dum ni dubas… ." Pli plena formo, Dubito, ergo cogito, ergo sum ("Mi dubas, tial mi pensas, tial mi ekzistas."), perfekte priskribas la kartezian intencon.