Regiono Asiro

El Vikipedio, la libera enciklopedio
(Alidirektita el Emirlando Asiro)
Saltu al: navigado, serĉo
situo de la emirlando

La regiono Asiro (arabe ‏عسير‎‎‎) estas unu el la 13 administraj regionoj (arabe manatik idarija, singulare mintaka idarija) kiuj sume konsistigas la teritorion de Sauda Arabio. Ĝi situas en la sudokcidento de la lando, proksime, sed ne borde de la Ruĝa Maro, kaj havas malvastan limon al Jemeno, kiu estis pribatalita dum granda parto de la 20-a jarcento.

La plej granda urbo de la regiono estas la ĉefurbo Abha. La regiona areo ampleksas 76 693 kvadratajn kilometrojn. Laŭ la stato de 2010, en ĝi vivis 1 861 339 loĝantoj. La loĝdenso sekve estas 24,3 loĝantoj po kvadrata kilometro.

La regiona teritorio dividiĝas en 12 guberniojn (arabe plurale محافظات, muhafazat, singulare muhafaza). Tiu nombro ankaŭ inkluzivas la regionan ĉefurbon, kiu havas apartan statuson kiel memadministrata urbo (amana) kaj estas regata de urbestro (amin). La regionaj gubernioj pludividatas en po plurajn subguberniojn (marakiz, singulare markaz).

La regiona teritorio cetere ne identas al la historia regiono Asiro, kiu signife pli grandas.