Enpotigita viando

Enpotigi viandon estas formo de tradicia manĝaĵa konservo en kiu varma kuirita viando estas metita en ujo (ekz. kruĉo, bokalo, k.s.), streĉe plenplenigita por forigi aeron, kaj tiam kovrita per varma graso. [citaĵo bezonata] Dum la graso malvarmetiĝas, ĝi malmoliĝas kaj sigeliĝas hermetike, malhelpante malbonigon fare de aeraj bakterioj. Antaŭ ol la tagoj de fridigo, oni evoluis la procezon de enpotigi viandon kiel maniero por konservi viandon kiam la viando de ĵusbuĉita beston ne povus esti plene manĝita tuj.

Sporoj de Klostridium botulinum povas supervivi kuiradon je 100 °C (212 °F) kaj, en la anaerobia konservmedio de neŭtrala pH, botulismo povas rezulti.

Ofte, kiam oni faras enpotigitan viandon, la viando de nur unu besto estas uzata, kvankam aliaj receptoj, kiel la flandra potjevleesch, uzas tri aŭ kvar malsamajn specojn de viando.

Komercaj produktoj

Enpotigita vianda manĝaĵprodukto estas manĝaĵo konservita de enladigo kaj konsistas el diversaj spicitaj, kuiritaj viandoj--ofte likvigitaj, haketitaj, aŭ muelitaj--kiuj estas varmpretigitaj kaj hermetikigitaj en malgrandaj ladskatoloj.

Diversaj viandoj, ekzemple bovaĵo, porkaĵo, kokaĵo kaj meleagraĵo, estas uzitaj. Ĉi tia manĝaĵo estas produktita unuavice kiel fonto de malmultekosta viando. Ties jamkuirita stato kaj longa bretvivo faras ĝin taŭga por krizaj manĝaĵaj provizoj, tendumado kaj militistaj uzoj. Enpotigitaj viandaj manĝaĵproduktoj enhavas altajn kvantojn de graso, salo kaj konservigaĵoj kiuj povas fari ilin nesanaj por ofta konsumo. Ĝi tipe havas molan, ŝmireblan teksturon, simila al pasteĉo kaj kutime estas manĝita en sandviĉoj aŭ ŝmirita sur biskvitojn.

Reputacio

Enpotigitaj viandoj havas iom dubindan reputacion pro siaj gusto, teksturo, ingrediencoj, preparo kaj nutrado. La enladiga procezo produktas produkton kun ĝenerale homogena teksturo kaj gusto. Ĝi utiligas malmultekostajn ingrediencojn kiel mekanike apartigita kokaĵon aŭ meleagraĵon, kiuj estas malestimataj en kelkaj komunumoj.

Bibliotekoj