Eugen Rytenberg

El Vikipedio, la libera enciklopedio
Saltu al: navigado, serĉo

Svedaj esperantistoj

Eugen RYTENBERG (1906-1997) mortis la 21-an de januaro en Upsalo (Svedio). Li naskiĝis en Varsovio, kie li estis, ekde 1932, vicdelegito, poste delegito. Ekde 1930 li gvidis kursojn por blinduloj; en 1932 aperis lia Elecionaro en brajlo. En 1939 li fuĝis antaŭ la germana invado al Rumanio, kaj fine, en 1947, ekloĝis en Svedio. Tie li aktivis en E-Societo de Uppsala, kiel vicprezidanto (1961-68,1975-77) kaj prezidanto (1978-79). Ekde 1948 li denove servis kiel delegito tridekon da jaroj. Rytenberg de fore parencis kun Zamenhof: lia patro Felikso Rittenberg estis frato de Helena Rittenberg, la edzino de Felikso Zamenhof. Kiel tre juna knabo, li ĉeestis konversacion inter Zamenhof kaj Grabowski, dum kiu Grabowski diris al la knabo la frazon "Nigraj literoj sur blanka papero", montrante gazeton. Pro sia parenca ligo kun Zamenhof, li kun sia familio estis invitita de la pola ŝtato al la jubilea UK en Varsovio (1987).