Geita

Geita
urbo
Administrado
Lando	Tanzanio
Regiono	Regiono Geita
Demografio
Geografio
Geografia situo	2° 52′ S, 32° 14′ O (mapo)-2.871388888888932.229444444444Koordinatoj: 2° 52′ S, 32° 14′ O (mapo) [+]
Horzono	UTC+03:00 [+]
	Geita (Tanzanio) Geita
	Situo de Geita
	v • d • r

Por samtitola artikolo vidu la paĝon Regiono Geita.

Geita estas urbo en nordokcidenta Tanzanio kun ĉirkaŭ 240 000 loĝantoj, situanta nordoriente de Tanzanio. Ĝi estas en la centro de ormineja areo. En marto 2012 ĝi fariĝis la administra ĉefsidejo de la novkreita Regiono Geita.^[1]

Historio[redakti | redakti fonton]

Geita unue elstaris kiel loko de germana kolonia orminejo. Germana or-prospektoro malkovris la ercon en la fruaj 1900-aj jaroj en la montetoj ĉirkaŭantaj la hodiaŭan urbon Geita. Ĉi tiu kaj aliaj malkovroj estigis orimpetegon en la ĉirkaŭaĵo, allogante same germanajn kaj denaskajn prospektorojn. La kolonia registaro establis minejon por ekspluati "Rifon Bismarck". Tamen, Min-aktivecoj signife malkreskis, kiam Germanio cedis kontrolon de siaj kolonioj al la britoj post sia malvenko en la Unua mondmilito.

Geita reakiris gravecon meze de la malfruaj 1990-aj jaroj, kiam la tanzania registaro malfermis la minejan sektoron al eksterlanda investo. Nombro da mezaj ĝis grandskalaj minkompanioj, inkluzive de Ashanti kaj Anglo American plc, faris vastajn esplor-agadojn en la ĉirkaŭaj areoj. La plej signifa rezulto de tiuj agadoj estis la konstruado de la Orminejo de Geita, nun posedata de AngloGold Ashanti. La Orminejo de Geita estas la plej granda or-produktanto de Tanzanio.

Orimpetegoj daŭre okazas en areoj ĉirkaŭantaj Geita, ĉefe en kaj ĉirkaŭ Rwamagasa kaj Matabe. Ĉi tiuj orimpetegoj allogis dekojn da miloj da prospektoroj el la tuta lando. Estante vivtenaj ministoj, iliaj agadoj estas tre nereguligitaj, rezultigante danĝerajn minadajn praktikojn kaj konsiderindan median detruon, el kiuj ne la plej malgrandaj estas pliigitaj poluado per hidrargo kaj vasta senarbarigo.