Haktabulo
Haktabulo estas ilo por kuiri konsistanta en tabulo sur kiu oni tranĉas ĉu per hakilo, sed plej ofte per tranĉilo ĉefe viandopecojn sed ankaŭ aliajn manĝaĵojn. Ĝi utilas por ne damaĝi la meblojn de la kuirejo. La nomo devenas de kiam plej ofte oni aĉetis grandajn pecojn de viando aŭ eĉ la tutan beston, dum hodiaŭ tiu hakado de grandaj pecoj aŭ malmolaj ostoj okazas plej ofte ĉe la buĉisto, dum hejme okazas nur distranĉado ekzemple de kokoj, kio fareblas per simpla bona tranĉilo. Oni devas atentege zorgi, ke ĝi estu kutime purigita kaj eligita el bakterioj kiuj povus putrigi la lignopecon. Ĉiukaze aliaj materialoj, krom ligno, estas uzeblaj ĉefe por pli bone zorgi la purigadon, kiaj plasto, metalo, vitro, marmoro ktp.