Hugo von Hofmannsthal

Hugo von Hofmannsthal (1874 - 1929) estis aŭstra verkisto kaj dramisto. Apud Arthur Schnitzler li estis la plej influa membro de la avangarda literatura societo "Jung-Wien" ("Juna Vieno"). Post 1902 von Hofmannsthal sin deturnis de la estetikisma tendencoj de tiu skolo kaj intense okupiĝis pri la eŭropa literatura tradicio. En tiu periodo ekestis prilaboroj de antikvaj dramoj (ekzemple "Elektrao" de Sofoklo) kaj de la mezepoka moraleca dramo "Jedermann" ("Ĉiu ajn").

Per "Jedermann" ĉiujare komenciĝas la Festivalo der Salcburgo, kiun kunfondis von Hofmannsthal en la jaro 1920.

Von Hofmannsthal krome verkis libretojn por operoj de Richard Strauss, socikritikajn komediojn, fabelojn, rakontojn kaj eseojn.

Biografiaj donitaĵoj

1874, 1a de februaro: Naskiĝas en Vieno, Aŭstrujo
1890: Konatiĝas kun Arthur Schnitzler kaj aliaj membroj de la avangarda verkista societo "Juna Vieno"
1891: Konatiĝas kun Hermann Bahr kaj Stefan George
1892 - 1894: Studas juron
1895: Studas latinidajn lingvojn
1897: Doktoriĝas
1915 - 1917: Eldonas la "Aŭstran Bibliotekon
1929, 7a de julio: Mortas en Rodaŭn ĉe Vieno

Gravaj verkoj

"Gestern" ("Hieraŭ"); unuakta dramo; 1891
"Der Thor und der Tod" ("La stultulo kaj la morto"); dramo; 1893
"Das Märchen der 672. Nacht" ("La fabelo de la 672a nokto"); rakonto; 1895
"Die Frau im Fenster" ("La virino en la fenestro"); dramo; 1898
"Ein Brief" ("Letero"); rakonto; 1902
"Ödipus und die Sphinx" ("Edipo kaj la Sfinkso"); dramo; 1906
"Elektra" ("Elektro"); dramo; 1909
"Jedermann" ("Ĉiu ajn"); dramo; 1911
"Der Rosenkavalier" ("La rozkavaliro"); opero; 1911
"Ariadne auf Naxos" ("Ariadne de Naxos"); operp; 1912
"Die Frau ohne Schatten"' ("La senombra virino"); fabelo kaj opero; 1919
"Das große Salzburger Welttheater" ("La granda Salcburga teatro de la mondo"); dramo; 1922
"Der Turm" ("La turo"); dramo; 1925
"Die ägyptische Helena" ("La egipta Helena"); opero; 1928
"Arabella" ("Arabelao"); dramo; 1929

Esperantaj tradukoj

"Erlebnis" ("Travivaĵo"); tradukita de Cezaro
"Balado de l' ekstera vivo", Hungara Vivo 1986/6, p. 233; tradukita de István Ertl