Internacia Unio pri Teoria kaj Aplika Biofiziko
| Internacia Unio pri Teoria kaj Aplika Biofiziko | ||
|---|---|---|
organizaĵo 
| ||
La Internacia Unio pri Teoria kaj Aplika Biofiziko (angle International Union for Pure and Applied Biophysics, akronime IUPAB) estas internacia neregistara organizaĵo kies misio estas partopreni en la tutmonda evoluo de biofiziko, antaŭenigi internacian kunlaboron en biofiziko, kaj helpi en la apliko de biofiziko por solvi problemojn de intereso al la tuta homaro. Ĝi estis fondita en 1961 kiel la Internacia organizaĵo por Teoria kaj Aplikata Biofiziko, sed tiam renomita Internacia Unio en 1966 [1], kiam ĝi iĝis membro de la ICSU (Internacia Konsilio de Sciencaj Unioj), kiu mem estis renomita en 2018 kiel la ISC, Internacia Scienca Konsilio [2]. La naciaj membrokorpoj de 61 landoj estas aligitaj kun ĝi, same kiel la European Association of Biophysical Societies (EBSA), la Asian Biophysical Association kaj la American Biophysical Society.
IUPAB realigas sian mision sponsorante internaciajn renkontiĝojn kaj proprajn kongresojn ĉiujn tri jarojn, kuraĝigante komunikadojn kaj publikaĵojn, kuraĝigante esploradon kaj edukadon, antaŭenigante la liberan movadon de sciencistoj kaj kunlaborante kun aliaj organizaĵoj pri multfakaj kaj interfakaj problemoj [3].
Organizo
[redakti | redakti fonton]
IUPAB estas regita fare de plenuma komitato kiu inkludas kvin esencajn oficialulojn: prezidanto, pasinta prezidanto, elektita prezidanto, ĝenerala sekretario kaj kasisto. Aldone al la Ĉefestraro, dek du Ordinaraj Membroj konsistigas la Konsilion kiu kunvenas dufoje jare. Kaj oficistoj kaj Ordinaraj Membroj okupas oficon dum tri jaroj (kun la ebleco de renovigo por plia mandato aŭ elekto al la Estraro) kaj la Ĝenerala Sekretario kaj Kasisto okupas oficon dum ses jaroj kaj la aliaj oficistoj kaj Ordinaraj Membroj plenumas oficon por tri jaroj (kun la ebleco de renovigo por plua mandato aŭ esti elektita al la Estraro).
Aldone al la Ĉefestraro, IUPAB havas kvin specialtrupkomisionojn kiuj temigas malsamajn areojn: Kunvenkomisiono, Struktura biologio, Publikaĵoj, Eduko kaj Kapacitkonstruado, kaj Big Data.
La Internacia Unio IUPAB konsistas el grupo de membrokorpoj reprezentantaj sciencajn komunumojn. Membraj korpoj kiel Esplorkonsilioj, Naciaj Akademioj de Sciencoj kaj Sciencaj Societoj povas peti membrecon en IUPAB.
Ĝis nun, institucioj de 61 malsamaj landoj aliĝis al IUPAB.
Referencoj
[redakti | redakti fonton]- ↑ News from the International Union for Pure and Applied Biophysics. (1970).. Quarterly Reviews of Biophysic.
- ↑ ICS directory.
- ↑ (2021) “IUPAB—serving the international biophysics community”, Biophysical Reviews 13 (3), p. 303–305. doi:10.1007/s12551-021-00802-z.