La provinco Iraklio (grekeΗράκλειο respektive Νομός Ηρακλείου - Nomos Irakliu) ĝis administra reformo efektivigita komence de 2011 estis unu el la kvar provincoj de la insulo Kreto kaj unu el la 51 provincoj de Grekio ("prefektujoj", kiuj greke nomiĝas Νομός, do "nomos"). Ĝi kovras areon de 2 641 km² kaj dum la jaro 2001 havis proksimume 292 000 loĝantojn. Ĉefa loĝloko estas la samnoma urbo Iraklio. La teritorio apartenas al la administra regiono ("periferio") Kreto (Περιφέρεια Κρήτης, Periferia Kritis) kaj kovras la centre orientan parton de ĝi, inter la provincoj Retimno en la okcidento kaj Lasitio en la oriento.
Vikimedia Komunejo: Heraklion Prefecture [+]
