Josef Václav Myslbek

Josef Václav Myslbek
	; ĉeĥa skulptisto
Persona informo
Naskiĝo	20-an de junio 1848; en Prago, Aŭstrio-Hungario
Morto	2-an de junio 1922; en Prago, Ĉeĥoslovakio
Tombo	Slavín
Lingvoj	ĉeĥa
Ŝtataneco	Aŭstrio-Hungario
Alma mater	Academy of Fine Arts, Prague
Familio
Patro	Václav Myslbek
Edz(in)o	Karolina Myslbeková
Infanoj	Karel Myslbek • Josef Myslbek • Jiří Myslbek
Okupo
Okupo	skulptisto • instruisto
Verkoj	Statue of St. Wenceslaus
	v • d • r

Reviziita versio de ĉi tiu paĝo, aprobita je 22 mar. 2013, estis bazita sur ĉi tiu versio.

Josef Václav Myslbek (naskiĝis la 20-an de junio 1848 en Prago – mortis la 2-an de junio 1922 en Prago) estas elstara ĉeĥa skulptisto , fondinto de la novtempa ĉeĥa skulptarto, kiun li kondukis al la eŭropa nivelo.

Li estis disĉiplo de Václav Levý kaj Tomáš Seidan, sed lia ĉefa inspiro dum lia arta kariero estis por li precipe verkaro de Josef Mánes. Ekde komenco li klopodis krei skulptan ekvivalenton al la bildoj de Mánes, slavajn tipojn, materiigon de la nacia ideo. Li apartenis al la generacio de la Nacia teatro kaj temojn por siaj verkoj li ĉerpis el romantisme konceptita ĉeĥa historio, sed per sia arta prezento evidente elstaris super siaj samtempuloj.

La dua flanko de lia verkaro, ankoraŭ pli rimarkebla, estis monumenta realismo, ĝis tiu tempo en la ĉeĥa skultptarto en tioma forto nekonata. Kun tio ligiĝas ankaŭ lia nekutime respondeca sinteno al laboro. Ĉiun lian statuon antaŭis centoj de skizoj, studoj kaj modeloj, kaj foje eĉ miloj – ja ekz. pri sia kulmina verko – rajdostatuo de Sankta Venceslao sur Venceslaa Placo en Prago – li laboris plenajn 30 jarojn.

Instruante en Artmetia altlernejo en Prago, li edukis plurajn generaciojn de ĉeĥaj skulptistoj. En liaj paŝoj daŭrigis ne nur liaj plej konataj disĉiploj – Bohumil Kafka kaj Jan Štursa, sed eblas diri, ke la ĉeĥa skulptoarto ĉerpas el lia arta heredaĵo ĝis nun.