Kariba kolombo

Kiel legi la taksonomion Kariba kolombo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Kolomboformaj Columbiformes Familio: Kolombedoj Columbidae Genro: Patagioenas Specio: Kariba kolombo P. caribaea Jacquin 1784
Dunomo
Patagioenas caribaea
Aliaj Vikimediaj projektoj

La Kariba kolombo (Patagioenas caribaea) estas mezgranda birdo de la familio de Kolombedoj kiu inkludas kolombojn kaj turtojn ene de la genro de Amerikaj kolomboj nome Patagioenas. La plej proksima parencoj estas la Strivosta kolombo kaj la Ĉilia kolombo, kiuj formas kladon ene de la genro Patagioenas por specioj kun fina vostostrio kaj brilega plumaro en siaj koloj.

Disvastiĝo

Ĝi estas endemio en Jamajko. Ties natura medio estas subtropikaj aŭ tropikaj humidaj malaltaj arbaroj aŭ montarbaroj. La specio estas minacata de habitatoperdo. Ĝi malpliiĝis ekde la 19-a jarcento unue pro troa ĉasado kaj poste pro arbarhakado por homaj loĝejoj kaj terkulturejoj; lastatempe estas inter 3 000 kaj 10 000 ekzempleroj.

Aspekto

Ĝi estas granda (ĉ. 41 cm longa) kaj malhela kolombo. La plumaro estas blugriza ĉefe ĉe flugiloj kaj pli malhelgriza en flugilpintoj kaj vostopinto, sed kun rozkolora nuanco en la cetero de la korpo. En vosto estas nigra antaŭfina strio disde la griza komenca duono. La beko estas nigra kaj la kruroj estas ruĝaj. Plenkreskuloj havas verdecajn brilkolorojn dorse de la kolo kaj ĉe nuko. La okulringo estas ruĝa. La voĉo estas “kru-kru-kruuu”.

Kutimoj

Ili manĝas en grupoj fruktojn aŭ semojn. La neston oni konstruas alte en arbo.

Referencoj

• BirdLife International 2004. Patagioenas caribaea. 2006 IUCN Ruĝa Listo de Minacataj Specioj. 24a de Julio 2007.

Eksteraj ligiloj

• Anglalingva ejo pri Kariba kolombo Arkivigite je 2008-11-23 per la retarkivo Wayback Machine