Kenneth Price

El Vikipedio, la libera enciklopedio
Salti al navigilo Salti al serĉilo
Ken Price

Kenneth (Ken) Price (naskiĝis la 19-an de julio 1936) eklernis Esperanton en 1954 kiam li estis ankoraŭ en la lernejo, en Anglio. Kiam li iris al universitato, en Bristol, Ken aliĝis al mezgrada kurso de la Bristola Esperanto-Societo, kaj poste fariĝis help-sekretario de la societo. En julio de 1957 Ken transloĝiĝis al Toronto (Kanado), en kies Esperanto-klubo li renkontis eŭropajn esperantistojn, kiuj ĵus enmigris. Ili ne povis bone paroli la anglan lingvon, do oni multe uzis Esperanton. Ken fariĝis sekretario de la Esperanto-Klubo de Toronto, kaj en 1958 li partoprenis la refondadon de la Kanada Esperanto-Asocio, kio okazis dank’ al iniciato de torontano Dez Hackett.

Dum la sekvaj dudek jaroj Ken havis diversajn postenojn en KEA. Li transprenis librostokon de eldonisto Rüdiger Eichholz, kiu estis ricevinta multajn Esperanto-librojn interŝanĝe de eldonistoj en nepagipovaj landoj kaj ekfunkciigis la Libroservon de KEA, de 1962 ĝis 1967. Li estis kasisto de KEA dum la jaroj 1961 kaj 1962. Li estis redaktoro de la revuo Lumo de 1963 ĝis 1964. Li estis membro de la Ekzamena Komitato en la mezaj '60aj jaroj, kiam tiu komitato estrita de Ed Brent aktivis. Li estis sekretario de KEA dum la jaroj 1963, 1964, 196, 1967, kaj 2004 ĝis 2015. Li estas redaktoro de kluba novaĵletero "La Torontano" depost 2000.

Eksteraj ligiloj[redakti | redakti fonton]