Kim Darby

El Vikipedio, la libera enciklopedio
Salti al navigilo Salti al serĉilo
Kim Darby
Kim Darby 1974.JPG
Persona informo
Naskiĝo 8-an de julio 1947 (1947-07-08) (72-jara)
en Los-Anĝeleso
Ŝtataneco Usono
Familio
Edz(in)o James Stacy
Profesio
Profesio televida aktoro • filmaktoro
Information icon.svg
vdr

Kim DARBY estas artistnomo de Deborah Zerby (naskita 1947), usona aktorino, kiu ankaŭ uzis la pseŭdonimon Derby Zerby ĉefe en teatra kariero. Ŝi naskiĝis en teatra familio.

Darby komencis sian karieron kiel dancistino kaj kantistino en teatraĵoj. En kino ŝi debutis per Bye Bye Birdie en 1963 kaj en televido per The Farmer's Daughter en 1964.

Dum 1960-aj jaroj ŝi aperis en televidserioj kiel Dr. Kildare, Wagon Train, The Fugitive, Star Trek, The Man from U.N.C.L.E., Gunsmoke, Bonanza, ktp. krom en kinfilmoj Bus Riley's Back in Town, Generation kaj True Grit.

En 1970-aj jaroj ŝi aktoris en kinfilmoj kiel The Strawberry Statement, Red Sky at Morning, The Grissom Gang, kaj en televidaĵoj Don't Be Afraid of the Dark, Ironside, Police Story, Petrocelli, Baretta, Family, Flatbed Annie & Sweetiepie: Lady Truckers, inter aliaj.

Darby en la 1980-a kaj 1990-a jardekoj laboris en televidaĵoj Enola Gay: The Men, the Mission, the Atomic Bomb, Fantasy Island, The Love Boat, The Facts of Life, First Steps, Riptide, Crazy Like a Fox, Teen Wolf Too, Murder, She Wrote inter aliaj krom en kinfilmoj Better Off Dead..., Halloween: The Curse of Michael Myers kaj The Last Best Sunday.

En 21-a jarcento, ŝi aperis en televidserioj The X Files, Dark Realm , Perception inter aliaj, krom en kelkaj kinfilmoj.