Kirchuster

Kirchuster
	Blazono de Kirchuster
	Blazono de Kirchuster
	Kirchuster
	Preĝejo de Uster
kvartalo
Kantono	Zuriko
Komunumo(j)	Uster
Koordinatoj	47° 20′ 58″ N 8° 42′ 9″ O / 47.34944 °N, 8.70250 °O (mapo)Koordinatoj: 47° 20′ 58″ N 8° 42′ 9″ O / 47.34944 °N, 8.70250 °O (mapo)
Nombro de loĝantoj	8000
Areo	4 km²
Alteco	464 m super marnivelo
Poŝtkodo	8600
	v • d • r

Pri la municipo[redakti | redakti fonton]

Kirchuster estas kvartalo de la komunumo Uster en la distrikto Uster, Kantono Zuriko, Svislando. Ĝi havis proksimume 8000 loĝantojn je la 31-a de decembro 2009.

Geografio[redakti | redakti fonton]

Kirchuster kongruas kun la urbocentro de Uster. Ĝi etendiĝas de la kastela monto en sudo ĝis la stacidomo en nordo, kaj de la urbodomo en oriento ĝis la distikta tribunalo en okcidento. Okulfrapa en Kirchuster estas la tri trafikcirkloj laŭlonge de la ĉefstrato Zürichstrase, kiuj laŭ siaj formoj aŭ ornamaĵoj nomiĝas Halsnusskreisel (en Esperanto Nuksocirklo), Springbrunnenkreisel (en Esperanto Fontanocirklo) kaj Nashornkreisel (en Esperanto Rinocerocirklo).

Trafiko[redakti | redakti fonton]

En Kirchuster troviĝas la stacidomo de la urbo, kiu ankaŭ estas la elirpunkto de ĉiuj urbaj buslinioj. La fervojlinio estas en la urbocentro ankaŭ grava trafikobstaklo kun pluraj samnivelaj fervojtrapasejoj, kiuj estas gardataj de elektrikaj bariloj. Ĉar la trajnotrafiko estas tre granda, tiuj bariloj ofte dividas la urbocentron en du partoj kaj kreas trafikan ĥaoson.

Historio[redakti | redakti fonton]

Kirchuster estas la historia vilaĝo Uster, kiun dominis la Kastelo Uster sur la monto, kie siatempe residencis la Senjoroj de Bonstetten kaj poste la voktoj de Zuriko.

Ĝis komence de la 19-a jarceno Krichuster ekzistis kiel aparta civilkomunumo. La 9-an de julio 1927 la iamaj civilkomunumoj de Uster estis kunigitaj al la hodiaŭa politika komunumo Uster. ^[1]

Vidindaĵoj[redakti | redakti fonton]

Ĉefaj vidindaĵoj de Kirchuster estas la Kastelo Uster, la reformita preĝejo, la malnova bierfabriko, kie ek de la lasta jaro denove estas farita biero, la urbodomo kaj la stacidomo kun la malnova lokomotivodepenejo, kaj la urba parko.