Koncertvalso

El Vikipedio, la libera enciklopedio
Jump to navigation Jump to search

Koncertvalso estas tipo de valsomuziko destinita por prezentado en koncertodomo anstataŭ en dancejo. Koncertvalsoj por piano estis ege ŝatataj en la salonmuziko.

Simile kiel la muziko de menueto eniĝis la simfonion kiel tria movimento sen servi por dancado, ekzistis valsoj, kiuj aŭ estis destinita jam de la komenco por prezentado en koncerto aŭ surbaze de virtuoza improvizado fariĝis de dancmuziko al koncertmuziko (ekz. ĉe Franz Liszt).

Kelkaj koncertvalsoj por piano de Franz Schubert estas danceblaj. La valsoj de Frédéric Chopin je adekvata interpretado tamen ne taŭgas por socia danco pro siaj tempovariadoj (agogiko). Simile estas kun la valsoj de Johannes Brahms.

Plej grandan socian gravecon en la malfrua 19a jarcento havis tiuj koncertvalsoj, el kiuj oni povis elpreni partojn por uzado kiel dancvalsoj, ekz. en la simfoniaj valsoj de Johann Strauß (filo), ekz. An der schönen blauen Donau (Ĉe la bela blua Danubo, 1867), Geschichten aus dem Wienerwald (Rakontoj el la Viena arbaro, 1868) aŭ la Kaiserwalzer (Imperiestrovalso, 1889). Simile estis kun la teatrouverturoj, en kiuj troviĝis valsoj, ekz. ĉe la opereto. Tio fondis interligon inter teatro, dancejo kaj koncertejo.

La „koreografia poemo“ La Valse de Maurice Ravel multe pli respegulas impresojn de valsomuziko ol mem esti valsomuziko.