Kumo no jo ni, kaze no jo ni
| "Kiel la nuboj, kiel la vento" | |
|---|---|
| televida filmo • animea filmo | |
| Originala titolo | 雲のように風のように [kumo no jō ni kaze no jō ni] |
| Produktadlando | Japanio |
| Originala lingvo | japana |
| Kina aperdato | 1990 |
| Daŭro | 80 minutoj |
| Ĝenro | animeo, fantasto, historia dramo |
| Reĝisoro(j) | Kondo Kacuja |
| Laŭ la verko de | Sakemi Keniĉi
produkto= Studio Pierrot |
| Muziko de | Maruja Haruhiko |
| IMDb | |
Kumo no jo ni, kaze no jo ni (japane 雲のように風のように, kumo no jō ni kaze no jō ni, "Kiel la nuboj, kiel la vento") estas japana animacia filmo de Studio Pierrot produktita por la televido NTV kaj publikigita en 1990.
La reĝisoro estis Kondo Kacuja, kiu ankaŭ dezajnis la karakterojn. La muzikon komponis Maruja Haruhiko. La originala rakonto estas la samnoma novelo de Sakemi Keniĉi el la jaro 1989.
Ofte tiu filmo mispreniĝas kiel filmo de la fama anime-reĝisoro Mijazaki Hajao, ĉar la desegna stilo de Kondo Kacuja similas al stilo de Mijazaki, kaj Kondo kunlaboris ankaŭ en kelkaj filmoj de la studio "Studio Ghibli".
Intrigo
[redakti | redakti fonton]La rakonto montras la vivon de simpla juna virino Ginga el la kamparo, kiu devenas konkubino de la ĉina imperiestro. Ginga impresas siajn amikojn kaj malamikojn per sia honesta kaj kuraĝa koro.
Ĉefaj roluloj
[redakti | redakti fonton]- Ginga (銀河 [ginga])
- juna virino el la kamparo, kiu lernas por iĝi konkubino, la protagonisto de tiu filmo.
- Seŝamin (世沙明 [seŝāmin])
- alia lernantino, kiu lernas por iĝi konkubino.
- Kojo (江葉 [kōjō])
- alia lernantino, kiu lernas por iĝi konkubino.
- Tamjun (玉遥樹 [tamjūn])
- alia lernantino, kiu lernas por iĝi konkubino, sed ŝi ne vere lernas ...
- Korjun (双槐樹 [korjūn])
- mistera persono, kiun Ginga renkontas en Taruto.
- Seto Kakuto Sensej (セト・カクート先生 [seto kakūto sensei])
- ĉef-instruisto por la imperiestro kaj por la lernantaj konkubinoj.
- Kikkjo (菊凶 [kikkjō])
- instruisto por la lernantaj konkubinoj.
- Ino (亥野 [ino])
- administranto en la imperiestra palaco.
- Mano (真野 [mano])
- elsendito de la palaco, li serĉas junajn virinojn por iĝi konkubinoj.
- Hejŝo (平勝 [heiŝō])
- generalo de la ribeloj.
- Konton (渾沌 [konton])
- konsilisto de Hejŝo.
- Kinkotajgo (琴皇太号后 [kinkōtaigō])
- la vidvino de la mortinta imperiestro.
- Taruto Baba (タルト婆ァ [taruto babā])
- administrantino de la eniro en la imperiestran palacon.
Filmo
[redakti | redakti fonton]La filmo "Kumo no jo ni, kaze no jo ni" aperis en 1990 kiel televida filmo, kaj poste en 1990 ankaŭ kiel VHS kaj kiel laserdisko (LD) en Japanio.
En 2002 ankaŭ DVD aperis en Japanio.
Titolo en aliaj lingvoj
[redakti | redakti fonton]| lingvo | titolo | signifo | |
| angla | Like the Clouds, Like the Wind | kiel la nuboj, kiel la vento | |
| japana | 雲のように風のように | kiel (la) nuboj, kiel (la) vento |
Libroj
[redakti | redakti fonton]En 1990 en Japanio aperis ankaŭ la kolorplena unu-voluma filmkomikso pri "Kumo no jo ni, kaze no jo ni", eldonita de Ŝinkoŝa.