Kumulonimbuso
Kumulonimbuso[1] (latine cumulonimbus, mallonge Cb) estas genro de densaj altaj nuboj, kiuj ofte kaŭzas tondroŝtormon.
Aspekto[redakti | redakti fonton]
La kumulonimbuso estas granda, alta nubo, kies alto estas tipe pluraj kilometroj. La bazo troviĝas inter 200 kaj 400 metroj super tero, dum la supraĵo troviĝas ĉirkaŭ 10–20 kilometroj super tero. La nuboj de tiu genro estas la plej grandaj el la 10 nubgenroj.
Klasifiko[redakti | redakti fonton]
Laŭ la Internacia Nubatlaso, ekzistas du specioj en la genro Kumulonimbuso:
- La harplena (aŭ kapilara) kumulonimbuso (latine cumulonimbus capillātus, mallonge Cb cap) havas fibran supraĵon, similan al ciruso.
- La kalva kumulonimbuso (latine cumulonimbus calvus, mallonge Cb cal) havas nefibran supraĵon, similan al kumuluso.
La Internacia Nubatlaso agnoskas neniun varion de tiu genro.
-
kalva kumulonimbuso -
harplena kumulonimbuso
Historio[redakti | redakti fonton]
Tiu ĉi genron unue proponis la dano Philip Weilbach en 1880.[2]
Referencoj[redakti | redakti fonton]
- ↑ Nova Plena Ilustrita Vortaro de Esperanto: kumulonimbus/o
- ↑ Weilbach, Philip (1880). “Formes des nuages en Europe septentrionale”, Annales du Bureau Central Météorologique de France (fr) 1 (B), p. 11–40.
Eksteraj ligiloj[redakti | redakti fonton]
- Cumulonimbus (Cb) (Weilbach 1880) (angle). International Cloud Atlas.
Genroj de nuboj laŭ la Internacia Nubatlaso
Ciruso | Ciruskumuluso | Cirusstratuso | Altokumuluso | Altostratuso | Kumuluso | Stratokumuluso | Stratuso | Kumulonimbuso | Nimbostratuso