Kursoro

Kursoro – angle cursor [ˈkɜːɹsəɹ], de la latina vorto cursor [ˈkursor], „kuranto“) en komputila programo markigas la aktualan lokon en la ekrano, en kiu en tekstoredaktilo aŭ tekstprilaborilo aperas karaktero tajpata per la komputila klavaro, aŭ en kiu en grafika programo efektiviĝos grafika ago. En tekstprilaborilo la kursoro kutime estas vertikala streko, malpli ofte substreko aŭ bloketo. En aliaj programoj ofte temas pri "muskursoro" — simbola sago, mano, aŭ alia montrilo, movata en la ekrano per komputila muso aŭ alia komputila montrilo.

Tajpkursoro

Tajpkursoro estas kutime vertikala, blinkanta linio situanta kie la sekva tajpita karaktero aperos:

Blinkanta kursoro en tekstenmeta spaco

Aliaj formoj ankaŭ okazas: substreko aŭ bloko antaŭ la sekva karaktero:

Substreka tajpkursoro

Bloketa tajpkursoro

Muskursoro

Atendo	Teksto	Sago	Movado	Mano
Surmovu la muskursoron super la teksto, kaj vidu kial la montrilo ŝanĝiĝas.

Notoj

Laŭ la Reta Vortaro, prefere diru montrilo aŭ indikilo.

Fontindiko

• Kursoro en la Komputada Leksikono