La Tomatina
| La Tomatina | |
|---|---|
| festo | |
La Tomatina estas hispana festivalo kiu okazas ĉiujare kiel parto de la urbaj festoj (fiestas patronales) de Buñol (Valencia regiono) la merkredon de la lasta semajno de aŭgusto. Ĉe la festivalo, partoprenantoj ĵetas tromaturajn tomatojn unu al la alia [1].
Aktuale en 2013, enirejo al la festivalo estas kondiĉigita de pago kaj la nombro da partoprenantoj estas limigita, pro sekureckialoj.
La tradicio komenciĝis ĉirkaŭ 1945, sed la origino de la festivalo estas neklara. Eblas, ke ĝi estas la evoluo de malgranda manĝbatalo kiu fariĝis tradicio, aŭ la rezulto de tumulto post la renversiĝo de kamiono ŝarĝita per tomatoj [2].
Priskribo
[redakti | redakti fonton]
En la festivalo, al kiu miloj (ĉ. 50.000 en 2012, ekde tiam ĉ. 20.000 pro limigo de la nombro da partoprenantoj) el la tuta mondo amasiĝas al Buñol (ĉ. 10.000 loĝantoj), estas ĵetitaj tromaturaj tomatoj tra la stratoj en sendanĝera batalo. La jam tromaturaj tomatoj estas forĵetitaj per kamionoj en la stratojn de Buñol je la tuno, tiel ke post la batalo estas veraj riveroj de tomata suko kiu kuras tra la stratoj. La vizitantoj plejparte ne estas hispanaj, sed venas kiel turistoj el ĉiuj kontinentoj [3].
La centro de la batalo estas la Plaza del Pueblo, kie la tielnomita ŝtormo de ŝinko okazas komence ĉirkaŭ la 10-a. La provo estas grimpi supren sur sapan arbotrunkon ( hispane: palo jabón ) kiu estas proksimume 9 metrojn alta por atingi ŝinkon kiu estas alkroĉita tie.
La fakta batalo komenciĝas je 11 a.t.m. precize kaj finiĝas horon poste. Post tio, ĵeti tomatojn jam ne estas permesita; tio ankaŭ estas observita kiel honorkodo. Por malhelpi gravajn vundojn, la regularo postulas, ke la tomatoj estu disbatitaj en via mano antaŭ ol ĵeti. Krome, provizantoj estas instrukciitaj nur provizi tromaturajn fruktojn. Post la batalo, estas helpemaj lokaj loĝantoj, kiuj uzas ĝardenhoson por liberigi la turistojn de tomatopecoj aŭ eĉ havigi duŝojn ĉe la fervoja stacidomo. Krome, ĉiuj kunbatalantoj konsideras ĝin kodo por helpi purigi la stratojn post la batalo.
Referencoj
[redakti | redakti fonton]- ↑ . What is La Tomatina, how did it begin and where does it take place? (angle) (2019-08-28). Alirita 2021-08-23.
- ↑ La Tomatina. The Taste of Spain. Arkivita el la originalo je 2016-08-17. Alirita August 24, 2017.
- ↑ . La Tomatina – Página oficial (hispane). Arkivita el la originalo je 2017-08-20. Alirita 2017-08-20.
Eksteraj ligiloj
[redakti | redakti fonton]- Oficiala retejo de La Tomatina
- Ayuntamiento de Buñol - La Tomatina Arkivigite je 2023-09-23 per la retarkivo Wayback Machine