Leiden und Größe Richard Wagners

El Vikipedio, la libera enciklopedio
Salti al navigilo Salti al serĉilo
Titolaĝo de la solopresaĵo de la traktaĵo el 1933

Sufero kaj grando de Richard Wagner (ger: Leiden und Größe Richard Wagners) estas traktaĵo, kiun Thomas Mann verkis en 1933. En ĝi li temigas sian rilaton al la verkaro kaj la persono de Richard Wagner. Mann diras unuaflanke pri la ravo, kiu deiras de la muziko kaj kiu kaptis lin, aliaflanke li kritikas grave la personecon kaj la intencojn de Wagner.

Antaŭ la presita traktaĵo Mann prezentis Suferon kaj grandon de Richard Wagner en 1933 kiel prelego okaze de la 50-a mortodatreveno de Wagner en Munkeno. Li analizis la vagneran vivoverkaron kaj okupiĝis tiamaniere kritike pri la personeco kaj la muziko de Wagner, ke okazis enscenigita protesto kontraŭ la verkisto. Tiu ĉi „protesto de la Richard-Wagner-Urbo Munkeno“, kiu aperis la 16-an kaj 17-an de aprilo 1933 en la Münchener Neuesten Nachrichten kaj estis subskribita inter alie de Hans Knappertsbusch, Richard Strauss kaj Hans Pfitzner.