Limpias
Limpias (prononcu limpjas) estas municipo en la aŭtonoma komunumo Kantabrio (norda Hispanio). Laŭ censo de 2012, ĝi havas 1897 enloĝantojn.
Ĝi situas en las valo de la rivero Asón kaj estas samlima al la municipoj Voto kaj Colindres (okcidente), Laredo (norde), Liendo (oriente) kaj Ampuero (sude). La rivero Asón, trafluinte la municipon nomiĝas Estuaro de Limpias, kaj enfluas en la Kantabran Maron ĉe Colindres.
Laŭ la antikvaj registroj, la nomo de la vilaĝo Limpias aperis kiel kelta nomo Coabab aŭ Koabab. Oni pensas, ke antaŭ la 12-a jarcento Koabab estis nomo de keltibera tribo. En la jaro 1201, la reĝo Alfonso la 8-a vasaligis la vilaĝon je Laredo. En la 15-a jarcento Limpias iĝis pli grava pro tio, ke ĝi situas sur vojo inter la tiame grava haveno de Laredo kaj la urbo Burgoso. Limpias ankaŭ havis propran havenon, de kiu en la 15-a jarcento ankaŭ enŝipiĝis multo da fero kaj ligno cele al Anglio kaj Flandrio. Post kelkaj jarcentoj, la haveno estis enŝipiĝejo de tritiko el Kastilio direkte al Ameriko.
Limpias ankaŭ estas fama por la Kristo de Limpias, konata pro tio, ke onidire ĝis eblas rigardi homojn kaj sango pusas de ties korpo.