Llívia
Llívia (hispane: "Llivia") estas enklavo de Hispanio en Francio. Ĝi estas kataluna municipo situanta je 153 kilometroj norde de ĝia provinca ĉefurbo Ĝirono, tute ĉirkaŭata de franca teritorio kiel rezulto de la Traktato de la Pireneoj en 1659 kie Hispanio cedis al Francio 33 vilaĝojn de la komarkoj de Vallespir, Capcir, Conflent, Rusiljono kaj Alta Cerdanya kiuj hodiaŭ formas, kune kun Fenolleda, la francan departementon de la Pyrénées-Orientales (Orientaj Pirineoj), ankaŭ konata kiel Nord-Katalunio.
Ĝia enloĝantaro en 2007 estis 1.388 enloĝantoj, disigitaj en teritorio de 12,83 km². Llívia apartenas al la jurisdikcio de Puigcerdà (Baixa Cerdanya). La lingvoj parolataj en la regiono estas la kataluna kaj la hispana lingvoj; kaj iom malpli la franca.
Geografio
| Vilaĝo | Loĝantaro (2007) |
|---|---|
| Cereja | 26 |
| Gorguja | 23 |
| disigitaj | 22 |
| Llívia | 1.317 |
| Totalo | 1.388 |
Loĝantaro
| Jaro | Loĝantaro |
|---|---|
| 1900 | 941 |
| 1930 | 743 |
| 1950 | 755 |
| 1970 | 856 |
| 2007 | 1388 |
Ĉefaj aktivecoj
Festcat. Lernejo de la Fersto. Estas celebrata la duan semajnon de julio, per kursoj, atelieroj, spektakloj kaj aktivecoj malfermitaj al la tuta enloĝantaro de la regiono, en kiuj partoprenas lokaj artistoj.