Luogosanto (gallure Locusantu, sardeLogusantu), estas komunumo de Italio. Ĝi apartenas al la insulo kaj administra regiono Sardio kaj ekde aprilo 2021 estas parto de la nova provinco nordorienta Sardio, antaŭe ekde 2016 estis parto de la provinco Sassari kaj ekde 2001 de Olbia-Tempio. La komunumo situas 321 metrojn super marnivelo, en la koro de la historia regiono Gallura, ĉe la piedo de la monteto de Monti Ghjuanni (Monto Giovanni). Ĝi estas parto de la Unio de Komunumoj Alta Gallura. Fine de 2018 en la komunumo vivis 1 864 loĝantoj. Najbaraj komunumoj estas Aglientu, Arzachena, Luras kaj Tempio Pausania.