Meandra lago

Rivero Songhua, nordorienta Ĉinio. Videblas kurboj kie iam fluis la rivero, same kiel meandraj lagoj, en tiu satelita foto.

Meandra lago estas U-forma akvejo formita kiam ampleksa meandro el ĉefa fluejo de rivero estas eltranĉita por krei lagon. Tiu landformo estas nomata angle oxbow lake (oksokurbo) pro la distinga kurba formo, nome laŭ parto de jugo por oksoj. En Aŭstralio, meandra lago (oxbow lake) estas nomata bilabongo, devene el indiĝena lingvo. La termino Meandra lago povas aludi al U-forma kurbo en rivero aŭ rojo, sendepende de ĉu estas aŭ ne eltranĉita el ĉefa fluejo.