Minuto
Minuto estas komunuza mezurunuo de tempo, egalas al sesdek sekundoj aŭ sesdekona parto de horo. Minuto ankaŭ estas mezurunuo de angulo, egala al sesdekono de grado.
Mallongigo: min
Etimologie, la vorto venas de la Latina minuere = malgrandigi, dividi. Se horon oni dividas en bazajn unuojn, oni ricevas la tiel nomatajn minutojn. Se tiujn oni duafoje dividas, oni ekhavas sekundojn (Latine: secundus = dua, do dua divido).
Proverbo[redakti | redakti fonton]
Ekzistas pluraj proverboj pri minuto en la Proverbaro Esperanta de L. L. Zamenhof, inter ili[1]:
„ Kara estas dono en minuto de bezono. ” „ Miljaroj ne povis, minuto elŝovis. ” „ Sidas gasto minuton, sed vidas la tuton. ”
