Muñogalindo

Muñogalindo
municipo en Hispanio vd
Flago	Blazono
Administrado
Poŝtkodo	05530
En TTT	Oficiala retejo [+]
Demografio
Loĝantaro	301 (2023) [+]
Loĝdenso	17 loĝ./km²
Geografio
Geografia situo	40° 36′ N, 4° 54′ U (mapo)40.6025-4.895Koordinatoj: 40° 36′ N, 4° 54′ U (mapo) [+]
Alto	1 128 m [+]
Areo	18 km² (1 800 ha) [+]
Horzono	UTC+01:00 [+]
	Muñogalindo (Provinco Avilo)
	Situo de Muñogalindo
	Muñogalindo (Hispanio)
	Situo de Muñogalindo
Alia projekto
	Vikimedia Komunejo Muñogalindo [+]
	v • d • r

Muñogalindo [munjogaLINdo] estas municipo en la centro de la provinco Avilo, en la regiono Kastilio-Leono, Hispanio. Ĝi apartenas al Komarko de Avilo kaj al la jurisdikcia teritorio de Avilo, en la centro de la provinco. La loknomo Muñogalindo estas kunmetaĵo de du nomoj de iamaj loĝantoj, nome Nuño kaj Galindo, plej verŝajne el Aragono aŭ Navaro.

Geografio

Ĝia municipa teritorio estas formata de Salobralejo kaj Muñogalindo, okupas totalan areon de 18,77 km² kaj laŭ la demografia informo de la municipa censo fare de la INE en 2021, ĝi havis 325 loĝantojn. Ĝi perdis 160 loĝantojn el la 1990-aj jaroj pro migrado al urbaj areoj. Ĝi distas 22 km de Avilo, provinca ĉefurbo, sur la Valo Amblés.

Estas ŝoseoj al Solosancho kaj Sanchicorto. Ĝi limas kun La Torre, Padiernos, Santa María del Arroyo kaj Solosancho.

Historio

Estas restaĵoj de antaŭromia loĝado.

En Mezepoko okazis reloĝado. La areo apartenis al la Regno Kastilio. Estis en Muñogalindo la reĝoj Johano la 2-a en 1440, kaj la Katolikaj Gereĝoj en 1497. Estis historie posedantoj de ekleziaj institucioj kaj nobeloj.

En 1812 oni suferis pro ekonomia premo fare de la francaj trupoj de Napoleono.

Tradiciaj enspezofontoj estis agrikulturo (cerealoj) kaj brutobredado. Lastatempe kultura kaj rura turismo ekgravis (popola arkitekturo, historia heredo, piedirado). Vizitindaĵoj estas pejzaĝoj, preĝejoj, muzeoj kaj arkeologiaj kuŝejoj.