Muzeo pri ĝardenaj nanoj

El Vikipedio, la libera enciklopedio
Jump to navigation Jump to search
Gartenzwergmuseum Gräfenroda

La Muzeo pri ĝardenaj nanoj (germane: Gartenzwergmuseum) troviĝas en Gräfenroda, Germanio, en la vilaĝocentro (Ohrdrufer Straße nr 1).

Historio produkta[redakti | redakti fonton]

La produktado de ĝardenaj nanoj havas longan tradicion en Gräfenroda. La fondinto de respektiva manufakturo Philipp Griebel finis la trejnadon de porcelanisto. Poste li lernis ĉe la bestokap-remburisto Heinrich Dornheim en Gräfenroda la metion de bestokapmodlisto. Jam en la jaro de la sukcesega pasigo de la fina ekzameno, en 1874, Griebel fondis propran firmaon kaj en la jaroj 1880-90 li, kune kun aliaj modlistoj, evoluigis la gräfenroda-an ĝardenan nanon.

Post la morto de Giebel (1893) la entrepreno restis sub familia ŝirmo (nuntempe la 4-a generacio). Jam ekde 1884 la turingia ĝardena nano troviĝis ĉe la Foiro de Lepsiko. Dum la Unua mondmilito oni intertempe ĉesigis la fabrikadon sed postmilite oni kun ferva elano reproduktis. En 1948 la nanofarado malpermesitis. Tamen oni poste remalfermis la entreprenon kaj en 1960 oni havis jam 18 kunlaborantojn. En 1972 la entrepreno ŝtatigitis kaj iĝis popolproprieta entrepreno post kunfandiĝo de la firmao Balzer & Bock, nomite VEB Terrakotta. La 1-an de aprilo 1990 Reinhard Griebel decidis privatekonomian rekomencon sur la malnova firmaogrundo.

Muzeo[redakti | redakti fonton]

En 1994 malfermitis la Saloneto de la nanoj. Ekde majo 1997 ekzistas ĉe la tradicia produktadoloko vera muzeo pri la historio de la ĝardenaj nanoj. Tie ĉi la vizitantoj povas sekvi la evoluojn de la gräfenroda-aj modeloj tra bestaj, bestkapaj, fabelfiguraj ĝis la aŭtentika ĝardena nano.

Literaturo[redakti | redakti fonton]

Sparkassen-Kulturstiftung Hessen-Thüringen (eld.): Kulturelle Entdeckungen. Thüringen. Band 3, 2010, ISBN 978-3-7954-2461-9, p. 119

Eksteraj ligiloj[redakti | redakti fonton]

Hejmpaĝo de la firmao