Niktibioj
 | ||||||||||||
|---|---|---|---|---|---|---|---|---|---|---|---|---|
 Griza niktibio, Nyctibius griseus
| ||||||||||||
| Biologia klasado | ||||||||||||
| ||||||||||||
 | ||||||||||||
Aliaj Vikimediaj projektoj
| ||||||||||||
_(14657148296).jpg)
La Niktibioj aŭ branĉuloj estas granda familio de birdoj rilataj al kaprimulgoj kaj podargoj.
Aspekto
[redakti | redakti fonton]Tiuj estas noktaj insektovoruloj kiuj ne havas la bridajn harplumojn ĉirkaŭ la buŝo propraj de la veraj kaprimulgoj, podargoj kaj egoteloj. Krome ili havas grandegan kapon kaj malgrandan korpon (21 ĝis 58 cm, 37 cm sen kalkuli voston), longajn flugilojn kaj vostojn kaj mallongajn krurojn. Ili ĉasas el gvatejo kiel lanioj aŭ muŝkaptuloj. Dumtage ili ripozas rekte en arbostumpoj, kamufle kaj ŝajnas tute parton de la stumpo kaj tiele ili restas tute senmove kaj sentime de malprobablaj eblaj rimarkontoj, pro tio ili estas nomitaj ankaŭ branĉuloj.
Specioj
[redakti | redakti fonton]Estas sep specioj en du genroj en tropika Sudameriko:
Genro Nyctibius
- Granda niktibio, Nyctibius grandis
- Longvosta niktibio, Nyctibius aethereus
- Norda niktibio, Nyctibius jamaicensis
- Anda niktibio, Nyctibius maculosus
- Griza niktibio, urutauo aŭ ordinara niktibio, Nyctibius griseus
- Blankflugila niktibio, Nyctibius leucopterus
Genro Phyllaemulor
- Rufa niktibio, Phyllaemulor bracteatus
Kutimoj
[redakti | redakti fonton]Ili manĝas ĉefe insektojn, prenitajn dumfluge, sed ankaŭ vespertojn, lacertojn aŭ birdetojn. Kutime, tiuj birdoj ne ĉeestas urbajn mediojn.
La ino demetas ununuran ovon rekte sur la pinto de stumpo.
En Brazilo
[redakti | redakti fonton]En Brazilo estas multaj legendoj pri tiu populara birdo. Dekomence estas prestiĝa birdo pro siaj forto kaj maniero eviti predantojn. Krome oni supozas, ke ĝi aperas kiam la luno aperas kaj ties trista kanto sonas kiel “foi, foi, foi...” (portugale: estis, estis, estis...). La legendo diras, ke la birdo estas virino perdinta sian amon. Pro tio, la birdo ricevis la nomon de fantoma birdo.
Referencoj
[redakti | redakti fonton]- ↑ (2013) “Parsimony and model-based analyses of indels in avian nuclear genes reveal congruent and incongruent phylogenetic signals”, Biology 2 (1), p. 419–444. doi:10.3390/biology2010419. Bibkodo:2013Biol....2..419Y.
- O Camaleão dos Céus (19a de oktobro de 2006). Correio Braziliense, Caderno Cidades.
Eksteraj ligiloj
[redakti | redakti fonton]- Filmoj pri niktibioj ĉe Interreta Birdokolekto
| ||||||||||||||||||