Paŭlo de la Kruco

El Vikipedio, la libera enciklopedio
Jump to navigation Jump to search
Sankta Paŭlo de la Kruco, kongregacifondinto kaj mistikulo grava

Sankta Paŭlo de la Kruco (latine: Paulus a Cruce, vere: Paolo Francesco Danei; naskiĝinta la 3-an de januaro 1694 en Ovada, mortinta la 18-an de oktobro 1775) estis itala teologo, sanktulo kaj mistikulo.

Vivo[redakti | redakti fonton]

La filo de Luca kaj de Maria Danei (fraŭlina nomo: Massari) edukitis ekde de la fruaj jaroj piece. Por tio helpis ankaŭ la rakontoj pri la vivo de iamaj eremitoj kiujn egali volis Danei jam tre frue. Ĝis la aĝo de 26 jaroj daŭris la serĉo je bona vivo. Unue Danei volis batali kontraŭ la turkoj, poste li retiriĝis en la solecon, kelkfoje li partoprenis pilgrimadojn. Li ordinitis en 1727 fare de episkopo Aurelio Cavalieri. Li restis kun aliaj sacerdotoj ofte en solecaj lokoj (ekz. Monte Argentano). En 1737 li decidis fini la migran vivon kaj setli kun samideanoj en unu stabilan lokon. Li prenis la monakan nomonkaj ricevis papan konfirmon pri kongregacifondopermeso en 1741 fare de Benedikto la 14-a.

Danei kontinuigis la ekde infanaĝo flegita vivo de meditado pri la pasiono de la Sinjoro Jesuo. Lia fervoro pli kaj pli kreskis kaj la misioj estis tre sukcesaj. Eĉ krimuloj ekpentis. Baldaŭ li malfermis domon en Romo - por kio cedis al li papo Klemento la 14-a la kirkon kaj la monakejon Sanktaj Johano kaj Paŭlo ĉe la piedo de la monto Coelius. Furoregis lia severeco penta. En 1765 okazis la lasta misio en Romo.

Sanktuliĝo estis en 1869 fare de Pio la 9-a; memortago estis la 28-a de aprilo (nuntempe: la 19-a de oktobro). La de li fondita kongregacio de la Pasionuloj (latine: Congregatio Passionis Jesu Christi, mallongigo: CP) tre bonfaris kaj bonfaras por la kristana mondo.

Fonto[redakti | redakti fonton]

Vollständiges Heiligen-Lexikon, Band 4. Augsburg 1875, p. 724-725, kio legeblas tie ĉi interrete.

Eksteraj ligiloj[redakti | redakti fonton]