Penacova

Penacova
urbo de Portugalo (1192 (Gregoria)–); municipo de Portugalio vd
Flago	Blazono
Administrado
Poŝtkodo	3360
En TTT	Oficiala retejo [+]
Demografio
Loĝantaro	15 251 (2011) [+]
Loĝdenso	70 loĝ./km²
Geografio
Geografia situo	40° 16′ N, 8° 16′ U (mapo)40.266666666667-8.2666666666667Koordinatoj: 40° 16′ N, 8° 16′ U (mapo) [+]
Areo	216,73 km² (21 673 ha) [+]
	Penacova (Portugalio)
	Situo de Penacova
Alia projekto
	Vikimedia Komunejo Penacova [+]
	v • d • r

Penacova estas portugala urbeto en la distrikto Koimbro, Centra regiono kaj subregiono Região de Coimbra, kun ĉirkaŭ 2 827 enloĝantoj. Ĝi estas je 22 km de Koimbro, distrikta ĉefurbo.

Penacova estas sidejo de municipo Penacova kun 216,73 km² kaj 13 119 enloĝantoj (2021), subdividita en ok fregezioj. La municipo limas norde kun Mortágua kaj Santa Comba Dão (Viseu), oriente kun Tábua, sudoriente kun Arganil, sude kun Vila Nova de Poiares, okcidente kun Koimbro kaj nordokcidente kun Mealhada (Aveiro). La municipo enhavas tri loĝlokojn kun statuso de vila (urbeto): nome Penacova, Lorvão kaj São Pedro de Alva.

Historio

Plej antikva referenco estas en dokumento pri Villa Cova, inter “subuloj” de Diogo Fernandes kaj iu Idris (islamano). Penacova en 911 estis agnoskita al Diogo Fernandes fare de la reĝo Ordonjo la 2-a de Asturio. Villa Cova ricevis limojn en 936, el la grafo Ximeno Dias, rilate al Alkinitia. La plej fruaj dokumentitaj domaroj en la areo estis Ourentã (en 1017) kaj Penacova (1036).

En 1105 okazis konfliktoj inter homoj de la Monaĥejo de Lorvão kaj lokanoj de la kastelo, kiujn devis repacigi la grafo D. Henrique (jam en la Condado Portucale). En 1192 Penacova ricevis foruon de la reĝo Sanĉo la 1-a, konfirmita en 1217 fare de Afonso la 2-a. En 1513, D. Manuel havigis la Foral Novo.

En la 15-a jarcento la senjoroj de Penacova estis Ataídes, grafoj de Odemira kaj finfine dukoj de Cadaval.

En 1605, dum la regado de Filipo la 2-a la urbeto ricevis la kategorion de Concelho (municipo), ene de la jurisdikcio de Koimbro.

Submunicipoj

Penacova estas subdividita en la jenaj ok fregezioj:

Carvalho
Figueira de Lorvão
Friúmes e Paradela da Cortiça
Oliveira do Mondego e Travanca do Mondego
Lorvão
Penacova
São Pedro de Alva e São Paio do Mondego
Sazes do Lorvão

Vidindaĵoj

Monaĥejo de Lorvão
Preĝejoj de Penacova kaj de São Pedro de Alva
Pilorioj de Carvalho kaj de Penacova
Kapelo de Santo António do Cântaro
Muelejoj de Penacova (Portela de Oliveira, Gavinhos kaj Serra da Atalhada)
Muzeo de Muelejo Vitorino Nemésio
Panoramoj de Serra do Roxo
Foz do Caneiro, tipa loĝlokoj de Beira-Rio
Riveraj banejoj de Reconquinho, Vimieiro kaj Cornicovo
Sanktejoj de Nossa Senhora do Monte Alto kaj de Nossa Senhora das Neves, Ermidas
Kalkofornoj
Akvobaraĵoj de Aguieira kaj de Coiço